入雪場前去左“御茶ノ水”度睇雪具，前兩季滑雪都係租(雪場員工有優惠)，D質素差到死，今次喺日本係換宿兼會留一季，所以買套Gear點都化算過租一季瓜… 東京御茶ノ水(滑雪用品街?!)出晒名家啦，可以搭JR(御茶ノ水)或者都營(新宿線小川町) 都到，由於果陣我係買都營pass，所以係搭後者。成日以為JR係方便D，點知錯有錯著，小川町仲近過JR站，因為我不斷來回咁喺同一條大街行黎行去格價，買完就返街頭搭車，唔駛再多行老練咁遠既JR站… 其實冇話邊間特別好，特別平，間間都差DD，都唔知係咪夾埋?! 我黎過呢度三次，分別係季初季中同季尾，第一次我買左褸板鞋binding, stomp pad,手套板袋同長襪，夾埋唔駛10萬円，唔知大家budget係點。雖然話第一塊板唔駛買咁貴咁靚，不過都想買塊合眼緣既板，所以又唔能夠太平，因為佢減得價通常都係核核突突D圖案又唔知想點… 加上日本人D英文講左＝冇講大家都溝通唔到，佢介紹/解釋D哞比我我都唔明，所以，算把啦… 結果我買左Ride既Rapture，唔係因為我滑既style，果陣都未分得清板款同功能(Camber, Zero Camber, Rocker…)，我買都係因為鐘意個pattern，到你滑耐D知道自己要玩咩先再買過塊板啦，所以第一塊板真係唔駛咁揼本。 以下條link講解左咩板打咩板，雖然係09年，但佢有晒圖話你知個shape係點，比起D齋講或者擺喺張枱度撳下撳下，呢個清晰好多，形容板既名詞個個都唔同有D出入，自己留意返。 https://www.youtube.com/watch?v=H3Wg3Xtboc8 https://www.youtube.com/watch?v=VM4a3uXskmE 如果想第一時間收到滑雪既資訊，可以like我個page https://www.facebook.com/pages/滑雪成魔之路/567895013318528
