有朋友喺我個page度留言： 因未去過白馬加上同行有幾個初學者，所以想攞多d資料，我地會住八方上網睇過好多師兄都話八方雪道比較窄不太合初學，栂池就話比較闊大....其他就好似冇咩人講，見師兄又剛剛講開白馬雪場所以想睇下你仲會唔會有多d資料可以參考下，謝謝 回應： 首先，你指既初學者係有幾初? 起到身做toe/heel side未? 如果未，其實每個雪場都會beginner area，對於初學者黎講喺邊個場學滑/練習都係差唔多。 如果佢地啱啱學識S turn，即使你帶到佢地搭纜車滑落黎，佢地都會半落葉飄咁落山，所以係喺邊度滑對於佢地黎講分別同意義都唔大，一開始點都要花較多時間力氣先落到山。直到真係可以熟練地用S turn，雪道/雪場對你黎講就有分別勒。 雖然我話八方尾根近gondola落黎果條路斜但佢都有個平坦既beginner區(地圖右面Sakka 2 & Sakka 3)，都好啱新手玩。 http://www.happo-one.jp/info/pdf/course_guide.pdf 至於五龍同47係兩個雪場連埋一齊，不過喺山腳既入口係分開，但到山頂，佢地係就互通。 http://www.hakuba47.co.jp/winter/en/mountain/img/mapl.gif 呢間場我覺得一般啦，因為我果陣滑開八方，相比下個場唔夠大，又冇特別，好快玩完。但我今季會再去係因為我有方向，我想玩box, rail... 因為相比白馬村一帶雪場既park，佢係最多同有系統性，仲有half pipe添，不過12月季初未起好，大概一月尾二月頭?? http://www.hakuba47.co.jp/winter/en/snowpark/ 雖然白馬有幾個雪山既1–3日既票，但我建議初次去既朋友逐日逐日去，一來未熟環境，二來等車都要時間。佢亦都有package，滑雪＋lunch＋溫泉(平100yen咋，睇清楚)。Coupon可以自行print定出黎，或者問你既住宿有冇。 http://www.happo-one.jp/english/plan/coupon.html 經過一輪講解，似係先去八方最穩陣，如果其他人有其他見解，歡迎留言。
