點解明知D雪不是太好都要去澳洲滑雪呢,何苦呢?!?! 又講:話說我第一個雪季(但好快拜拜左)喺Perisher,因為落左幾場大雪,D人話係10年來最好既一季(搞錯!);到第二季我健全地喺Perisher到離開雪山,唉落得果DD雪,成個season好似從來未開始過咁,但對於Perisher始於係有份情意結。 至於今次去既Thredbo(同Perisher同一座山Mt Kosciuszko,但喺另外一面),我上年差唔多季尾先去滑左日,D草都出晒黎,加上果陣技術有限,所以冇咩好感,亦都冇唸過自己會再喺果樹出現… 不過世事既野就係咁,話唔埋,因為前後有兩個朋友喺Thredbo度(少咁個都去唔成),既然有人可以照應同接濟我,加上7月既時候睇到朋友仔影既相,落雪呀! Powder呀?!?!! D雪又好似唔錯咁,咪心唷唷想去湊熱鬧,所以好突然咁去左澳洲滑兩個星期雪啦… 頂,點知被騙! 果兩個禮拜一滴雪都冇落過,我走左既第二三日就落啦,妖,係咪玩野呀又!!!