(承接前文) 完左個比賽，就叫我地拉T-Bar喺某處集合，黎個賴係有陣容有活力既riding(有人拍緊片)同大合照，跟住就派紀念品有：Burton既冷帽、iPhone 5 case同紅牛一罐(有份贊助是次活動的)，唔知係咪倉底貨，但叫做有heart! 成個 Girls Ride Day，得我一個外地人，臨散band先有個女仔同我講野，原來佢都係香港人，不過幾歲就移民左去澳洲… 早D同我相認麻，等我成日都一個人痴痴呆呆咁。 雖然搞左大半日，你問我呢個活動對滑雪技巧有咩改善提昇到呢? 可以話完全冇，不過當作為一個體驗又係幾得意既。呢個活動係免費既，但係要自備雪場搭纜車既雪票，果日我就買左 99＋4 (non refundable既咭錢，你老闆呀! 我上季有seasonal pass，有帶就唔駛比人屈)= AU$103既雪票，真係喺度玩一日＝日本兩日，D雪仲要咁爛! 唉… (雖然黑白得黎影得D人仔唔太清楚，但好有feel)
