咁啱喺我去Thredbo果兩個星期，澳洲既Burton(滑雪品牌) 喺澳洲三個雪場 Perisher, Hotham 同 Mt Buller搞左個Burton Girls Ride Day，咁難得遇到，我又以為會有咩教下你指導下(唸多左)，再幾唔方便都要落山上山去Perisher體驗下，點知真係同我想像中好唔到… 佢原本既schedule 係咁: 9:30am – Meet and Greet at Burton Tent + demo board set up. 10:00am – Group Yoga warm up 11:00am – Burton Girls Go Ride Scavenger Hunt 12:00pm – Group Freeriding 1:00pm – Burton Girls High Ollie Comp 2:00pm – Group shred down Front Valley 2:30pm – Group photo at Burton Tent – Gift bag collection 我有帶自己塊板，不過佢有demo比你試，咪試下囉。做完熱身叫你自己滑下再返黎，原來返到黎係玩遊戲? 4個人一組鬥快完成13項challenges： 各隊員都好認真好投入 結果第一組返去贏得既獎品係: Burton背囊，係可以咩埋板塊果種、雪鏡同太陽眼鏡，全部都係好野，真係正!!! 我同隊友係第3組返到去，咩都冇… 之後又自由活動，我又唔知去邊好，驚去得太遠趕唔切返去，因為見到佢寫“Ollie” Comp以為有咩，所以只係重遊舊地，去我兩年前做過野既Sundeck探下同事，老闆見到我一而再再而三咁出現都O晒咀，而我終於做左customer幫親佢買左個價值AUS$7.5既chips，又真係幾好味既… 返到去原來只係鬥跳得高，我試跳兼過左20cm同25cm，嘩我都跳到咩?!?! 好開心喎，因為我亂黎，而且我覺得係因為用左佢塊demo板短左又輕左，我自己果板都不受控制既-_- 算啦跳得唷都好開心，不過冇人同我影相或拍片做見證，嗚。不過之後就拜拜啦，點夠D鬼妹玩，最終跳係到50cm定55cm?! 比5秒大家估下跳得最高果個既獎品又係咩? 登登登登登：係Burton板一塊!! 頂早知我都練下先啦咁… Burton係好野黎家咩?! 其實當初都唔識呢個牌子，之後有澳洲朋友話佢係rubbish，所以冇乜好感，到再之後買左佢既手套，用左一個月就開始甩皮(不過我幾乎日日滑)，我都覺得佢好rubbish! 但佢真係好出錢出力去推廣snowboard既，所以… 我知，佢都係當賣廣告唶… <<續>>
