真係唔好意思，悶親大家一直睇我玩黎玩去都轉唔到個該死的S turn，不過又有一日冇神神“叮”左下，宜，得左呀? 得左咩? 嘩，真係開心都爆，爽呀，暈啦，簡直形容唔到!!! 其實學snowboard係有唔同既樽頸位，過左就冇野家啦，各位記得要堅持滑落去呀，好似我咁，唸起都搞笑。但識左唔等於精，之後又有好多烏龍倫盡野分享… 講返他媽的T-Bar，呢一季又有人陪我拉啦啦啦，至弊條友係咁講野影響我務求要我分心唔好咁緊張喎，皆因果陣我緊張到暈，好用力咁揸實碌野，朋友仔話我想“Lin”爛條野咁滯… T-Bar點拉好?! 喺澳洲雪場會有人拉條T-Bar落黎比你，咁你就快快接住然後將佢隊入大脾內側，由佢拉你上去，因為條野係伸縮性家，所以不能夠當櫈咁坐落去，如果唔係比你愈扯愈長，又跌，當初我咪就係咁之麻。 點解果陣我拉唔到T-Bar家呢? 因為拉你上去係要打直塊板，對於一D未完住掌握到Linking turn既人黎講係有點吃力同驚嚇，而且T-Bar條路唔太平坦，又要驚跌又要控制塊板，我唔知其他人，但我好緊張驚，愈驚愈亂愈出事，但當我成功一個人拉到，我仲拉得好開心添，死拉爛拉，因為有其他朋友唔鐘意拉話“銀”住喎。 條野(T-Bar)你可以擺入D擺出D，就返你自己個位啦，有人個身會向前傾，又有人鐘意往後傾，其實都冇所謂，舒服就得啦，因為有時真係幾“銀”既。反而隻腳唔好咁用力死壓塊板，放鬆，因為有時凹凸不平塊板剷到D雪又會失平行，跌! 但輕輕借T-Bar力令塊板有DD提升，反而過到就冇事。 由於我係Goofy而大多數人係Regular，所以如果我同人一齊拉通常都係面對面，拉T-Bar傾計係一件樂事，真係好懷念，好多謝當時陪我拉果位人兄!! 最終咁啱有日T-Bar冇咩人，我跌左兩次之後終於自己一個人拉到啦啦啦，興奮。
