好啦係時候去睇下D雪板，以下幾條links有中有英，介紹有咩類型既滑雪板，點樣揀… 有人會話揀板揀長度，呢個係入門版，最快捷，又或者租板比你條友都廢事煩講解咁多，其實買一塊板仲有其他野要考慮，第一篇已經一言道破，板其實係承受你既重量唔係高度。 http://www.snowboard.com.tw/?p=2664 http://www.snowboard.com.tw/?p=81 https://www.youtube.com/watch?v=iP4b95uZs8Q https://www.youtube.com/watch?v=00hMJ3RuXmI 有冇睇到第二篇佢個snowboard既製造過程，你開始明白同諒解點解一塊板咁貴，當然啦，製造廠將廣告成本同乜乜物物既開支入埋條數度，而且喺香港買更加係貴上貴，最好梗係去美國加拿大啦，網上都好，不過有D風險，因為要睇過實物要試囉。而我會建議喺日本買(可以的話)，因為點都比香港平。 由於知道自己會喺日本留一個雪季，當然有去過香港D舖頭啦，又唔知邊度黎二手野，更加唔會喺日本租一季，咁不如自己買套新仲好啦，所以入雪場前去左東京既御茶ノ水度睇，唔駛心急，慢慢揀，務求行到腳爛揀啱先買，一定比香港多款，呢個遲少少再詳談。 不過一開始真係唔駛心急買又靚又貴既裝備，因為啱啱學根本唔知咩打咩(可能其他人知係我唔知囉)，而且又成日撞成日跌，好傷塊板，當你見到塊幾千蚊既板既底部或者側跟冇啦啦多左條痕又或者刮花左，你會好心痛!!!! 我既FB Page，歡迎大家去睇下 https://www.facebook.com/pages/滑雪成魔之路/567895013318528
