纜車篇(Chair Lift) 對於初哥黎講，上落纜車都係一門學問黎家，係咪好緊張呢?! 最緊要定，鬼唔知咩，不過真係好驚呀麻。我不知撻左幾多次都掌握唔到，係之後有人同我講先留意到咋。 日本纜車有Gondola(Cable Car)同Chair Lift，澳洲既纜車得Chair Lift同該死的T-Bar, J-Bar & Rope Tow! 上lift冇特別，佢會有指示話你知邊度停低，架車差不多到就準備坐上去，可以先用手扶一扶張櫈，話晒Snowboarder係側身，你估係skier就咁坐落去就係咩，有時預唔岩時間會太早或太遲坐落去就論盡。 除此之外需要注意架纜車既闊度，由於初學者唔想同其他人太埋而發生碰撞，會行開左，所以要小心唔好企得太開，唔係架車黎會撞到又上唔切，太緊張繼而跌倒?!! 重點，落車：Perisher既Beginner Area隔離有個Chair Lift係8座位，大多數人都會先搭呢架再去第二度滑，所以經常都好多人。對於新手，尤其係我，當然好驚好緊張，由於Loading Area有一定斜度，所以我一落車就會好想快D停落黎，驚自己唔知跣左去邊，所以好快就張塊板打橫左(殺車)，其實咁樣會影響到其他人同自己都會失平衡。 放鬆，唔駛咁心急，落車時，腳搭上塊板，由塊板打正(如Video)，慢慢等佢減速，之後先殺車。澳洲同日本比係難D，日本D Loading Area平D闊D，澳洲既斜D急D。搭多幾次，撻多幾次就曉家啦。 https://www.youtube.com/watch?v=Mh6izK4Opls&list=PLKERE07Je6CZGboxa2NWtSoWEelyZjffY&index=2
