最終我係點呢?因為當初日子有工咁練右腳Skating,所以我宜家變得好唔正常:上落纜車我係Goofy,但到真係滑落去,我變返Regular!!! 其實唔死得人既,係有時唔係好方便囉。曾經想練返skating都係regular,不過每次去到滑雪場都急不及待咁去搭纜車,而且唔知要做幾耐弱智仔先練得到,唔好嘥時間啦。有人會話,用邊邊都冇所謂啦,反直最後你兩邊都要滑(Switch),係唶,但果陣真係好困擾同埋因為用錯腳,搞到我之後練S turn練左好耐先得好挫敗。 其實我都係奇怪,因為喺澳洲拉T-bar我左腳做前腳(Regular)會好驚係咁跌,但用右腳做前腳(Goofy)感覺好D所以又以為自己真係Goofy;但之後用Goofy練S turn 搞左好耐都唔得,谷鬼氣!! 結果轉Regular練冇耐又得左,咁你話我點好啦,所以到後期我都仲會keep住問人地其實點分Regular同Goofy,真係嬲。 自學同比人教分別就係,冇人理我!!! 到我上教練堂先知原來係有技巧咁轉同分開幾個步驟去(學)轉,然後再將佢地link埋一齊,就做到個S turn,我頂! 唔怪得比錢果D幾日學到個turn,我要練幾個禮拜啦陰公,資質差。