由於我地唔係受正統教練教滑雪，所以次序係有D混亂，成日都未學行先學走，我會先以自己既經歷為基礎分享一下，之後先再講返正常既步驟係點。 首先我地一學就係學起身。咩話？兩隻腳已經著好左bindings，你話點唔得人驚先得家。最初真係好有困難，係咁跌，起到少少又跌，企好冇耐又跌，因為失平衡，總之因為要企起身都搞到腰酸背疼。 之後好少少到向左向右又唔受控制成個白痴咁，好攰呀!!! 不過上左手又真係覺得好好玩好過癮。其實有時係可以唔駛跌，不過唔知點解係都要撻落去先開心，結果膝頭哥落地先，再跌多次應該爛家啦，返黎瘀左幾撻。不過呢D係基本野，唔駛擔心，果時我地會同人炫燿自己既戰蹟。 到第二日我跌到連雪鏡連帽飛走左，好痛加好“蘿”，成班人喺後面，其實邊有人理你呀。滑唔到啦，因為尋日消耗左D體力未復元，平時冇做運動既習慣又要用腿力，所以係冇咩力再玩，咁唔好勉強啦。
