成日見到D阿伯蹲係馬會門口刨馬經 又核突， 又無格~ 所以從來都唔鐘意"賭馬" 更加唔好話要入馬場啦~ 不過, 今次因緣際會 有機會入馬場親身體驗下 發現原來賽馬都好好玩 而且依家入馬場已經唔止賽馬咁簡單啦~ 今次參觀既係跑馬地既 Adrenaline Adrenaline 位於跑馬地馬場內~ 上下兩層的玻璃廂房 可以坐係入面, 涼住冷氣睇跑馬 當然亦都可以行出露台 同馬匹拉近距離~ 見唔見到右上角既暖燈, 冬天都無有怕呀~ 露台扶手都有溫馨提示呀~HAHA 除左睇跑馬, 當然唔餓親自己啦~! 美味既BUFFET 有咸甜熱點不斷提供~ 當然, 場與場之間有個LIVE BAND 助下慶, 無論贏唔贏都可以俾心情放鬆下~ 馬會由舊年開始舉行一個Happy Wednesday 的活動 每個星期三既跑馬日都會有唔同既主題 舉辦一個開心, 快樂既PARTY 為大家充充電, 打打氣~ Website : http://happywednesday.hkjc.com/ch/index.asp?cid=YASESEA Facebook : https://www.facebook.com/happyweds 今個三月, 就舉辦了一個以酒會友~ 只要加200蚊就可以試齊四款由馬會精選既世界各地好酒 今日就有澳洲同紐西蘭既紅白酒~ 澳洲同紐西蘭既酒都較FRUITY, 易入口~ 啱我呢D口味淡既人~ 黎緊3月19日以智利, 阿根庭既酒為主~ 如果大家鐘意DRY D既酒就啱哂啦~ 係馬會睇馬, 周圍都不缺資訊 不過, 依家智能用品咁普遍 其實只要上網DOWNLOAD " RACING TOUCH" 呢個APPS (連結) 就可以俾你CHECK 到所有賽事既資料~ 包括馬師, 往績, 連隻馬仔個様都跟住真個隻黎畫架~ 而且仲可以MARK低自己心水, 之後再慢慢研究。發財筆都慳番啦~ 最得意係右下角個模擬賽跑，預先跑一場熱下身先~ 除左 " RACING TOUCH" 係 Adrenaline 仲有一個好好玩既枱~ ibu ibu是全球最大的多點觸控式娛樂設施，可透過觸控桌面螢幕選取馬匹、騎師、練馬師和賽事的即時資訊， 並可透過特設的儲值卡觸控桌面下注 玩ibu , 首先要有一張咭~同埋, 幫佢增值 同一張觸控既枱面~ 通過ibu, 可以下注獨贏, 位置，連贏, 同位置Q~ ibu 同RACING TOUCH 一樣, 只要輕輕一按, 就可以睇哂馬匹既所有資料 賽事往績，同埋練馬師資料~ 只要睇啱心水，就可以馬上落注架啦~ 咁CYBER, 落完驚自己唔記得？ 無有怕 仲有收據列印服務, 咁就唔怕大頭蝦唔記得買左乜啦~ 第一次咁近距離睇住隻馬衝線 真係好刺激架~! 個種心跳感, 真係非現場不可感受到~ 雖然, 最後我都係得個桔, 不過呢, 少少錢玩下真係好開心架~ 尤其係如果成班朋友一齊入黎, 飲下酒, 聽下歌, 買少少錢一齊叫下, 嘈下~ 將平時既煩惱叫哂出黎, 真係幾開心架~ Adrenaline 網址 : Adrenaline 地址：跑馬地馬場聯合看台2-3樓 訂座電話：3690-3690 (24小時訂座服務) 營業時間：跑馬地夜馬: 18:15-23:00 (首場賽事前1小時至尾場賽事) “ibu is here” 優先賽馬娛樂全新體驗 普通賽事: 每位HK$430 包括主題自助晚餐、特色飲品一杯、iRACE馬簿一本及面值港幣$100 ibu儲值卡一張 特別賽事*: 每位HK$530 包括主題自助晚餐、特色飲品一杯、iRACE馬簿一本及面值港幣$100 ibu儲值卡一張 多謝 South China Media Group 的邀請~ 如要聯絡本人，請電郵至：smonkichi@hotmail.com My Blog Link : The Ztyle Beauty Qooza She.com U Beauty Blogspot BeautyExchange
