之前參加了美肌之誌的發佈會 (前文按這) 聽完各位嘉賓的分享同講解, 真係想快快試試呢個升級版既美肌之誌~ 多謝美肌之誌都好明白我地既心理, 送左一大份禮物俾我地~ 今次重點推介既係美肌之誌的淨白補水面膜~ 好多時美白產品都會令皮膚好干 而呢隻淨白補水面膜就係令大家美白之餘都可以KEEP住補水~ 特製的多孔珍珠紙, 可以完全吸收左所有既精華，唔會水滴滴。 拎出黎唔怕搞到周圍都係精華~ 佢特別的多邊剪裁, 可以因應唔同面型既需要~ 只要貼好上面後再將下面個塊蓋番上去, 就FIT哂成塊面~ 由下面望上去, 真係完全緊貼塊面架~ 當然, 面膜紙的缺點 佢都係有 鼻2邊同鼻下面都係去唔到~ 因為張紙真係好吸, 所以個袋只係淨番好少既精華~ 係講解會度, JANCY就話會將D精華放入雪櫃留番第二日用~ 不過我個人就覺得要即開即用先至新鮮~ 所以, 我會將D多左既精華搽係敷面膜時特別快干既地方 例如眉心之間~同上唇位呢D 特別快干既地方~ 同埋會搽埋係面膜紙去唔到既鼻邊~ 咁樣就唔會SIDE左D精華啦~ 當然, 我又要出動我既導入機啦~HAHA 以前我好鐘意敷住面膜去整野, 搞呢樣, 搞個樣~ 最近發現, 敷面膜紙真係要瞓係度 可能地心吸力既原因 令面部可以吸多D精華 瞓係度既效果真係好好多架~ 各位SIS, 俾一個敷面膜既時間, 大家RELAX D 乖乖瞓係床休息下啦~ 敷完個MASK, 真係成塊面都白滑哂~ 不過尼, 敷面膜呢家野真係唔可以懶，要日日敷~ 敷少日, 好似皮膚又無咁靚~ 其實除左重點既淨白補水面膜，美肌之誌仲有好多款針對唔同皮膚問題既面膜~ 而我就最鐘意呢款蘆薈仙人掌花保濕面膜。可能我本人皮膚成日都好干，呢款保濕面膜既補水力好好 敷完第二日出油都真係少左~ 除左面膜外，美肌之誌都因應今年既潮流, 推出左CC CREAM 呢款包裝咁KAWAII 既CC CREAM ,係日本好受歡迎的，所以佢既包裝都好日本FEEL 呢~ 尼隻CC CREAM 的質地比較水份，而顏色都好白, 真係似平日搽既DAY CREAM 搽上面後推開就變得好薄啦~ 不過比起我既膚色, 真係白好多呀~ 而因為好水潤既關係，佢既遮瑕度都普通, D暗瘡印同斑斑都唔係好遮到~ 但因為太白, 我又唔夠再咁重手搽多層喎~ 不過佢既調色度都好快，隔左一陣, D 色已經接近膚色好多啦~ 不過尼, 唔知係咪心理關係, 定我呢排曬得太多太陽 對我黎講都係偏白~ 唔知係咪心理作用, 好似成日有層白色既霧係塊面度咁~ 真係要補多D淨白補水面膜先得啦~HAHA 多謝美肌之誌同BEAUTYLIFE 的邀請, 有機會一次過試哂咁多款美肌之誌既新產品~ 如要聯絡本人，請電郵至：smonkichi@hotmail.com
