成日坐OFFICE, 皮膚既水份都被D冷氣抽干哂 所以習慣左係枱頭放枝補濕噴霧 之前都用過幾個牌子~ A 字頭, 其實只係水黎, 噴左好快無哂~ Z字頭, D人工香味勁過到暈,噴完真係暈得一陣陣~ F 字頭, 效果好好, 可惜價錢都好好, 唔係咁捨得囉 C 字頭, 效果都好, 可惜味道太過藥油, 有次噴完, 阿頭經過問邊個唔舒服~ 自此, 要拎入廁所噴~@@ Nuxe 的Refreshing Moisturizing Mist 玫瑰花瓣清新保濕噴霧就解決哂以上的問題啦~ Nuxe 的產品不嬲都以天然唔敏感出名~ 今次呢隻玫瑰花瓣清新保濕噴霧亦都一樣~ 利用大馬士革玫塊花瓣加上尿囊素, 舒緩皮膚, 軟化同更新~ 而植物性甘油, 可以在表層鎖水, 加上坡尿酸, 保濕效果爆燈~ 而且 加入左佛手柑, 苦柑, 金銀花, 仙客來, 依蘭同天芥菜等各種香噴噴既天然材料, 直頭成枝香水咁呀~ 而且不含過敏原香料, 全部都係天然香味, 唔會攻死啦~ 每次噴完, 都感覺自己好似處身花叢中咁~即刻好RELAX~ 人都開心D~ 睇番件產品~ 嚴緊既膠紙密封包裝, 保隌消費者呀~~ 相對產品黎講, 呢個噴嘴真係唔係好啱檔次~ 勁錯通既噴嘴, 好似街邊買十蚊一個樽個D~ 雖然佢有注明要離開40CM 噴~ 不過一黎咁大動作真係好奇怪~ 二黎, 佢噴出黎都水珠都粗粒下 尤其係化左妝, 真係好怕整溶個妝架~ 建議係向天噴, 等佢D霧慢慢落番塊面度會好D, 不過, 咁樣好似好SIDE 野, 又有D肉赤~ 所以, 其實最好係改善下個噴嘴啦~ 大家都知NUXE 既產品好天然, 不含防腐劑, 所以一年內要用哂~ 除左保水外，既玻尿酸可以在皮膚皮面形成如絲柔滑的薄膜，幫助定妝~ 呢層薄膜真係幾滑, 不單幫你鎖水, 仲可以令到皮膚好幼滑~ 不過正如之前所講，因為個噴咀有D雞, 所以定妝既話一定要離好遠噴, 唔係只會整花個妝~ 最好係呢枝樽身係膠, 細細枝, 放係袋度都唔會重, 依家我日日都帶住佢出街啦~ 想瞭解多D, 可以去下既網站睇下架~ http://www.nuxe.com/ 全線莎莎獨家發售 http://www.sasa.com/ 如要聯絡本人，請電郵至：smonkichi@hotmail.com
