多謝莎莎的邀請試用, 令我有機會試下呢隻近期大熱的韓國神仙水 BRTC 1ST INTENSIVE TREATMENT THE FIRST AMPOULE ESSENCE 好多SIS 都試用左, 而且都讚不絕口,有平價版神仙水的稱喻~ 用之前, 解搆下呢件產品係咩黎先~ 韓國出品,個盒都以韓文為主,但BRTC 因為已進駐香港一段時間, 都有英文可以睇下~ 呢款1st essence 有2種專利成份~ Fermentox™ Blue Phyto Complex™ 獨家研發出專利酵母配方Fermentox™,創製酵母成分高達95.3%的全新嫩肌護膚精華。酵母配方有抗氧化、紓緩鎮靜、促進水油平衡、 提升水分、增加彈性、改善膚色及淡化皺紋的功用,而另一種專利配方Blue Phyto Complex™亦能改善皮膚乾燥及敏感。持續使用有助改善膚質,令肌膚明亮緊緻。 而佢更有一個 11 無, 韓文黎既~ 上網搵過下~ 即係 : 三乙醇胺、羥基苯甲酸酯、苯氧基乙醇、酒精、三氯生、二苯甲酮、礦物油、人造色素、人造香料、合成界面活性劑、合成抗氧化劑~ 總之就係無有毒野囉~. ~ 而呢隻ESSENCE 仲有一個好特別既用法,就係有份量~ 每日都用1/2 Marking, 早晚用~ 所以枝ESSENCE 既樽身度好似藥水樽咁有一格格的~ 當然, 每人既膚質都唔同, 所以佢都叫你因應自己既皮膚去調節~ 開初時,我都覺得用1/2 好似好多咁, 不過當慢慢用落, 而且抺埋頸後, 我發覺真係每次都用大約1/2 度喎~ 影呢張相時, 我其實已經用左2/3樽啦~哈哈~ 可能因為平價既關係, 我都幾捨得用, 換左係SKII, 我諗份量真係用少一半都似~ 每個女人, 唔多唔少都有少少潔癖 因為每次當用一D野係面度整D污糟野出黎時, 就會感到莫明既興奮~ 好似唧黑頭咁~ 而呢枝 1st ESSENCE 都有呢個功效~ 每次見到抹完既棉花好多污糟野, 個心就會好開心,即係塊面又干淨左啦~ 真係唔明點解夜晚洗完面, 朝早起身抺完1ST ESSENCE , 舊棉花都係黑媽媽~ >< 不過呢, 唔知係咪太過干淨既關係, 係試用頭2日, 竟然會出現呢D無名小瘡仔~ >< 個心好掙扎,係咪唔啱我?係咪應該停用? 最後我都係決定用落去~ 比起SK II, 佢既感覺較溫和~ 而且味道亦較好~ 但可能有滋潤成份, 所以抺完後都較潤, 有時真係好懷疑仲使唔使再搽精華~ 有時唧黑頭唧到甩哂皮, 用佢當MASK咁敷, 第二日既甩皮就好番哂, 所以佢既滋潤度都幾高~ 用左2/3樽啦, 效果當然唔係即刻變到廣告咁啦~ 不過自我感覺毛孔細左, 滑左, 同皮膚光澤感好左好多~~ 除左頭2 日生左D粒粒瘡仔外,之後都已經無事了~ 感覺佢好溫和咁每日幫我清走面上既角質同死皮~ 其實佢既療程是28日, 即係一樽, 所以, 我會繼續努力,希望可以換過一層皮膚啦~ 不過呢, 有度唔係好明~ 點解個窿要整到咁大,之後要用粒白色膠塞住~ 因為, 一黎每次都有D難拎起, 好怕整爛佢~ 二黎, 試過幾次跌左落地, 要搵好耐先搵得番~ @@ 希望有關方面可以諗諗另一個包裝啦~ 想知多D, 可以瀏覽以下既網頁: http://brtcstore.com/ 又或親身到莎莎親身體驗下~ $380/ 150ml 莎莎獨家發售 如要聯絡本人,請電郵至:smonkichi@hotmail.com