新年前,收到新年禮物~ HEROINE MAKE既Long & Curl Mascara HEROINE MAKE既Long & Curl Mascara HERONIE MAKE, 其實即係以前既KISS ME, 我一直都係佢EYELINER 既忠實FANS, 唔知MASCARA係咪都一樣咁好呢~ 呢隻升級版Long & Curl Mascara, 比以前增加1.5倍既長度, 仲可以成日保持睫毛捲曲同修護添~ 刷頭分凹同凸, 先用凹個邊從根部向上搽, 再用凸個面作修整。 首先用睫毛夾夾好D毛毛，再搽上Mascara, 係咪長左好多呢, 而且根根分明, 唔會痴埋一舊舊~ 新年見長輩, 當然要自然D好~新年個日, 我就化左個靚靚妝, 再搽上HEROINE MAKE的Mascara去拜年~係咪醒神又精靈呢~ 假毛, 留番去蒲啦~ 由朝早十點去到夜晚六點, D眼睫毛依然咁長咁捲, 一D都無跌到落黎, 仲無溶, 唔會變熊貓眼~真係好堅呀~ 回到家用缷妝油, 輕輕抺幾下，已經甩左好多~比起MJ既頑強, 佢真係聽話好多~! 抺多幾下，D MASCARA 已經甩哂啦~超級干淨~ 以 前用MX,貪佢成日都唔會甩, D眼睫毛可以KEEP住成日唔會跌落黎, 但代價係勁難缷，次次缷都甩幾條眼睫毛, 真係勁心痛~ 今次用左HEROINE MAKE既Long & Curl Mascara, 真係好似發現新大陸, 原來好用既野, 亦都未必要付出沉重既代價。HEROINE MAKE既Long & Curl Mascara, 除左可以幫我HOLD住成日有長長既眼睫毛, KEEP住靚靚樣外，缷妝更快夾爽，唔使再甩毛毛，配埋佢既EYE LINER, 真係無敵既組合, 每個化妝逹人都要有一套啦~~ 今日情人節，我同囡囡祝大家情人甜蜜蜜, 愛侶恩恩愛~ 大家都SWEET SWEET 啦~ 如要聯絡本人，請電郵至smonkichi@hotmail.com
