知唔知呢舊係乜？ 其實佢係一個以"唐樓"為名的MEMO PAD, 當你一頁頁咁用哂佢時, 就好似現實社會既舊建設, 舊特色逐漸消失~ 呢個 叫" PLAY " 既野, 又有咩FUNCTION ? 原來佢係一個視像備忘錄！可以錄低三分鐘既視像, 加上背面備有磁石, 貼係雪櫃度~! 阿囡有咩可以同阿媽講低~ 老婆煮左咩, 可以叫夜歸既老公自己搞掂~ 比起以前既MEMO紙更傳神，更有親切感~ 其實呢D都係舊年 『香港智營禮品設計大賞』 既得獎作品黎~ 有一個時期, 好鐘意行TDC, 好鐘意個D得意又特別既設計, 作為禮物送俾朋友, 真係又抵死, 又有創意~ 同時, 都好佩服個D設計者咁有諗頭~ 估唔到, 依家都可以自己設計啦~ 香港智營禮品設計大賞 2013 呢個由香港政府「CreateHK」(創意香港)的『創意智優計劃』資助，「香港出口商會」（HKEA）聯同「香港知專設計學院」的比賽, 今年已經係第二年啦~ 佢提供左一個俾大家發揮創意既空間。大家諗出黎既作品, 仲有可能變成一舊真既實物, 到時用黎送俾摯愛, 真係特別又有意思呀~ 比賽分為公司組同學生組~ 公司組 公司組別的產品類別共分為五類~ 1) 企業宣傳禮品 — 度身訂製 2) 企業宣傳禮品 — 量產／群客 3) 消費禮品 — 家居環境 4) 消費禮品 — 工作間 5) 消費禮品 — 娛樂玩耍 不過公司組別的參賽作品須為完整作品，大會不接受產品之任何配件及部份~ 呢D係舊年既得公司得獎作品 鑽石型既USB, 電話型既IPHONE 座, 同埋禮帽 PAPER CLIP BOX, 真係又實用, 又得意~ 點擊圖片放大 學生組 今年既主題係：“禮品‧真誠聯繫” 只要你係附合以下資格就可以參加~ 就讀香港院校的學生或在海外就讀的香港居民 原創設計產品 而且學生作品 只須將切合主題的產品意念以三維效果圖提交即可, 即係交個idea 就有人幫你整舊野出黎~ 睇下舊年既部份得獎作品~ 呢個I'AM OK 既USB, 揸住令人都振奮D~ 呢個用電燈膽造成既溫室, 不單止美觀，仲提醒大家環保既重要性~ 睇完呢D作品, 會唔會刺激到大家創作靈感呢？ 勝出既作品, 除左有禮金外, 仲會係香港不同地方作出展覽~真係威哂啦~ - 印尼雅加達「時尚生活匯展2013」（公司組別） - 香港貿易發展局「香港禮品及贈品展2013」 - 香港知專設計學院d-mart - 大型購物商場/中心 如果大家對呢個比賽有興趣, 詳情可到以下的網址瀏覽詳情~ http://www.smartgiftsdesignawards.org.hk 網上提交到今個月20號就截止啦~ 快D諗諗佢啦~ 如要聯絡本人，請電郵至 : smonkichi@hotmail.com
