吃不到的葡萄，唔代表一定係酸架～ 因為，葡萄都仲可以搽～ 今日有幸出席左SASA 舉辦既CAUDALÍE全新VINEXPERT葡萄藤提升緊緻系列發佈會~ 地點：IFC THE FRENCH WINDOW 開心到呢~ 相信唔係SASA邀請, 我都未必有機會係IFC 呢度HIGH 個TEA 由門口到入場, 都掛滿左CAUDALÍE的相, 好似一個CAUDALÍE 攝影展咁~ 呢度既環境真係好正呀, 超高樓底配襯一望無際既大海 同CAUDALÍE全新VINEXPERT葡萄藤提升緊緻系列既高貴形象超夾 發佈會開始啦 由CAUDALÍE的創辦人Mathilde Thomas 同大家講下CAUDALÍE呢個品牌既歷史~ 原來 CAUDALÍE這個品牌係1993年創辦 我記得我人生第一枝CAUDALÍE 係係CITY SUPER 既專櫃買 價錢唔平~ 好彩莎莎識貨, 終於引入呢個名牌做代理, 仲多左好多選擇~ 點解我個時會用CAUDALÍE？ 因為我知道佢地一早已經意識到天然, 環保係未來既大趨勢 所以既產品都係以天然為主 包裝用環保物料~ 呢個都係我貴都要用佢既原因~ 天然D, 對皮膚百利而無一害架~ 今次既CAUDALÍE全新VINEXPERT葡萄藤提升緊緻系列總有五樣野 葡萄藤提升緊緻系列的成份重點是第四種獨家專利成份白藜蘆醇 (升級版) (Resveratrol-oleyl) 有抗氧化、抗醣化雙管齊下 全方位擊退老化 既功效 精華方面有面同眼/唇兩隻 葡萄藤提升緊緻精華 HK$690 / 30ml 葡萄藤提升緊緻眼唇精華 HK$560 / 15ml 兩款精華都好水潤, 無油份，好快吸 尤其係眼/唇精華，直頭好似水咁~ 完全無負擔, 唔怕搽得太多會出粒粒~ 而且因為水狀, 好好推, 所以每次搽少少都已經夠成塊面~ 計番條數, 都抵番~HAHA 至於CREAM, 今次既系列有三款 下圖由左至右 -質地輕盈的葡萄藤緊緻亮采日霜 HK$560 / 40ml -滋潤度高的葡萄藤緊緻亮采滋潤日霜HK$560 / 40ml -晚間保養的葡萄藤提升緊緻修護晚霜 $560 / 40ml 第一款的亮采日霜, 除左SPF 15 防曬外，仲係粉紅色, 有少少潤色既作用~ 老實講, 本人好怕搽呢D類似BB CREAM 既物體, 因為搽左塊面白左但又唔化妝會好出奇 不過呢款日霜既潤色程度無BB CREAM 咁勁, 而且搽完後感覺成塊面真係光澤左 (唔係出油個D呀) 無左暗啞,灰黃既臉色, 成個人都精神左~ 第二款係滋潤度較高既日霜, 一樣有修飾既粉紅色 但質地比晚霜滋潤, 適合乾性皮膚使用~ 第三款 晚霜, 感覺真係霜狀, 唔似用開既晚霜質感咁厚 但保濕度奇高, 瞓左成晚都無油出~ 其實以上三款都加入左紅酒酵母萃取物及玻尿酸 舒緩肌膚的乾燥缺水問題 , 所以極之保濕, 試用左一個星期，日日係OFFICE吹冷氣都唔會干~超級大愛~ 今次除左介紹VINEXPERT葡萄藤提升緊緻系列外, 仲介紹左既CAUDALÍE幾款皇牌產品~ 如果你係年輕肌, 可以考慮呢款葡萄籽極緻完美精華液 質地一樣咁水潤, 咁易推~ CAUDALÍE 皇牌產品──Beauty Elixir (CAUDALIE 葡萄籽活性爽膚水) 呢隻爽膚水兩層的, 睇唔睇到係有一層黃色係上面？因為佢加入左天然植物精油 不單保濕, 定妝, 仲有好強烈既草本植物的氣味 朝早起身洗完面噴一嗔, 真係成個都精神哂~ 有時係公司做到三點三, 個人呆呆滯滯, 噴一下, 真係回魂的~ 當然, 咁強烈既味未必個個接受到, 我開始時都覺得好奇怪, 不過噴左幾次後, 已愛上了~ 原來CAUDALÍE都有出HAND CREAM, 呢隻HAND AND NAIL既cream 同CAUDALÍE既產品一樣 都係咁天然, 咁順滑 搽完後既手 (左下) 係咪光澤左, d紋都少左~ 隻指甲色係好靚, 好襯VINEXPERT葡萄藤提升緊緻系列呢？ 其實呢個係大會當日既另一個活動 除左有豐富既下午茶外，仲有一個美甲corner, 可以幫大家美甲 等大家由頭靚到落手指尾~ haha~ 除左玩同食, 今次拎走既仲有佢地 CAUDALÍE 皇牌產品──Beauty Elixir (CAUDALIE 葡萄籽活性爽膚水 30ML CAUDALÍE HAND AND NAIL CREAM 一整套既CAUDALÍE全新VINEXPERT葡萄藤提升緊緻系列 以上都係mini版，方便帶出街嘛~ 好多謝SASA既邀請, 令我有機會係IFC 做左一個下午既貴婦~ 如果大家想對CAUDALÍE既產品認識多D, 可以參考以下的網站 CAUDALÍE home page : www.caudalie.com CAUDALÍE Facebook : https://www.facebook.com/pages/Caudalie-Hong-Kong/226464450712476 或者親身到各大莎莎專門店試下都得架~ 如要聯絡本人，請電郵至 :smonkichi@hotmail.com
