收到電郵有機會睇失戀單位, 真係十萬個開心 雖然一早約左人開聖誕party 但, 諗都唔使諗, 當然是去睇話戲啦 雖然對佢地未到超級fans 既地位, 不過都睇過幾套佢地既戲 真係好抵死~ 笑中有淚 一語中的 今次呢個<<失戀單位>> 就以唔同的居位單位比喻時下的愛情~ 因為大會唔俾影相, 所以我只可以偷雞影到呢張咋~ 內容我唔講咁咩細, 希望留番d驚喜俾入場既觀眾~ 呢度係我睇完後既感想~ 第一個單位 同居的富二代與空姐, 典型時下最令人羨慕的身份 雖然已經同居, 過住王子與公主的生活 不過卻會各自出去偷食 道出時下的性關係隨隨便便 男男, 女女, 男女之間的關係糾纏不清 但大家卻以"年紀仲細" 為藉口 (已經三十幾歲人, 仲掛住打機, 扮可愛公主) 將所有責任推缷得一干二淨。 認為年紀輕, 不須思考, 不須負責任~ 你/你身有這樣的人嗎？ 第二個單位 港女 例遲, 扮可愛, 將男友呼之則來，揮之則去。 到最後失去了, 只係覺得係個男人欠佢 永遠唔會覺得自己有錯~ 錯永遠只是別人 但, 港女的煉成, 你有份幫忙嗎？ 第三個單位 電車男遇著老蘭蒲精 電單男的憨直，在老蒲精心目中是一種小動物 可以玩弄在手的絕種小動物 但當佢在玩弄人時 其實自己都被玩弄。 無論咩人, 最後都只係想要真心的愛情。 蒲精都唔例外~ 第四個單位 失敗男與痴情女 2個都係活在自我中心的人。不面對現實 愛情, 只是自己的一廂情願 有些人, 很喜歡做一些門面工夫 拍拖是為著給人羨慕 送禮物, 要放上書面被人LIKE 拍拖, 已不再只是2個人的事, 而是為向眾朋友炫耀 但, 當所有心思放在這些門面的東西時 根本己忽略了兩人之間的溝通。更沒有理會身邊人的感受 有些人，永遠沉醉在失戀的傷痛中 以受害者的身份出現 不停地希望大家的認同, 各界的安慰 以傷痛去證明自己的存在 作為朋友, 其實, 會有煩厭的一天~ 第五個單位 忘年戀 對我來說，愛情只是對象 對象是老是嬾, 是富有是貧窮, 是男是女 其實關係不大 最重要, 是你可以找到一個可以溝通，互相愛慕的對象 這個單位, 是眾多個單位中最幸福 因為, 佢地敢於面對自己的感受, 勇敢爭取自己的選擇 這些單位, 其實一直都係圍繞在我們的身邊 甚至自己亦曾居住其中, 戀, 有邊個未失過, 最重要係, 要識得戀 戀得開心 失去, 都係美麗的回憶~ 完場後, 各位演員仲出黎同大家影相~ 佢地真係超nice呀~ 蝦頭真人, 其實都幾靚女架~haha~ 整套劇令人有感而發, 因為佢既內容都好貼近我地 佢既用語我地都好熟悉。 我最愛佢地同觀眾互動, 呢個就係話劇同其他媒體既分別 話劇是直接面對觀眾的, 我地的拍手鼓勵, 台上的演員是馬上知道的~ 所以去睇話劇, 千萬唔好咁含蓄, 覺得好, 就拍大力d啦~ 以前都曾係話劇界的一份子, 好明白創作過程係幾咁艱辛 你地所聽到的每句說話, 每個走位, 甚至音樂, 燈光, 都係要長時間慢慢去嘔出黎 再用更長既時間去排練~ 雖然台上二個半小時, 但台下卻可能已經花左二千小時的心機同時間~ 希望大家繼續支持pip 呢個咁有創意既劇團 支持香港話劇~ 如要聯絡本人，請電郵至：smonkichi@hotmail.com
