N年無染過髲, 有得試用L’OREAL PARIS 的Excellence Fashion, 決心為自己變一個形象~ 今次P56色，盒度寫住30分鐘就搞掂啦~ 未染之前又未有時間剪髲, 又厚又黑, 好似成頭假髲咁!~ 呢隻Excellence Fashion同之前有D唔同,染之前要搽左D護髲精華先, 保護D頭髮免受傷害。 之後將顯色敷用劑同護髮染髮霜MIX 埋~ 搖勻後好快就見到開始變紅~ 慢慢將染髮劑梳上頭, 因為係CREAM狀, 絕對唔會滴落黎~ 15分鐘後已經好紅了~ 如果唔小心搽左D染髮劑落皮膚度, 只要用水加棉花輕輕一抺就甩哂 最後沖甩哂D色，加上染後滋潤護髮乳洗多次就搞掂。不過沖個時真係血流成河呀~ 睇下染完之後, 成個髮型都有番層次, 唔會再似假髮一舊咁~ 染左個髮真係成個人都唔同哂呀~ 無 染髮已經N年, 今次有機會抽到LOREAL PARIS的Excellence Fashion 令我可以決心再次染髮。今次呢隻Excellence Fashion比以往的染髮劑多左個染前既護髮劑，令到頭髮染完後都唔會O鞋恰恰。不過佢都有一陣好大既染髮味, 要到第三日先散到。因為我D頭髮好上色, 見佢個盒D色又咁紅喎。染左20分鐘後就驚到即刻去洗頭,其實係自己嚇自己啦。我估其實跟足佢個盒染30分鐘都OK。不過依家出黎既效果都可以。而且除左 第一次洗個時甩色外，第二日再洗頭已經無再甩色了。鎖色效果真係唔錯。
