入冬的天氣, 北風呼呼聲 平時用既GEL, CREAM 好爽, 但係, 已經唔夠力啦~ 真係要搵支救到我既CREAM~ 今次試下呢隻~ 韓國品牌 DR JART+ Ceramidin 份子釘滋潤保濕急救面霜~ 一枝好唔似韓國牌子既CREAM~ 似係英國藥廠出既藥膏多d~ 係人都知個蓋既頂係用黎開支藥膏既封口架嘛~~ 不過一扭開, 竟然係無封的~@@ 咁......點解個蓋頂要設計到咁呢？ 同埋...................D色好核突呀, 好少可會見到D SKIN CARE 係咁既色囉~ 一D都唔似係美容野, 完全是醫生開既藥膏咁~ 而且, 陣味是超......................難聞 D顏色加埋D味, 我只係聯想到.........腳癬膏咁~ HAHA 究竟呢隻係咩野黎？ 介紹部份, 成堆韓文唔識睇 不過重要部份就係英文, 都好D 原來佢通過敏感測試,, 亦都有隻兔仔標誌 (無動物測試) 而且成份方便亦都無防腐劑PARABEN 再CHECK 番資料 原來呢隻叫分子釘既CREAM, 其實是一隻 "神經醯胺 " 用黎填補細胞同細胞之間隙 有左呢隻野, 水份可以KEEP 住係皮膚度, 無咁易蒸發~ 唧出黎的質地, 真係好膏狀~ 仲好似好杰身咁~ 不過, 一推, 竟然好易推開~ 仲可以推到好薄~ 搽開後, 好快已經變成一層薄膜咁, 一D都似唧出黎咁杰~ 而且................感覺係超滑囉~! 搽左後, 成塊面潤滑度即時提升呀~ 睇下近距離既手 未搽前好多干紋 色擇亦都較暗啞 搽完後, D紋即刻變番做三角紋 (即係有番D水份) 我成日都話冬天既CREAM一定要潤同有層油脂 因為淨係GEL狀既SKIN CARE 只可以補水, 唔可以鎖水 而呢隻分子釘雖然樣衰衰, 又唔香 不過佢既保濕能力真係好好 雖然我無測試過佢話既26個小時保濕 (我每24小時一定會沖一次涼同洗2次面架~HAHA) 不過, 朝早搽完後真係成日都覺得好滋潤, 就算坐係OFFICE 成日, 都唔會覺得干爭爭~ 係我近期用過既韓國護膚品中好用之作~ 不過對於年輕/油性肌可能會覺得有D笠, 因此建議可以作NIGHT CREAM 用 或只係局部搽係較干既地方~ 不過, 呢個冬天 我就靠哂佢啦~ 如要聯絡本人，請電郵至 smonkichi@hotmail.com
