前頭出席了i MORE 的聖誕體驗團,其中一個COUNTER是介紹Laura Mercier 保濕抗氧打底霜,玩了遊戲後, 攞左呢枝迷你版回家~ 個蓋好鬼實, 我要用牙咬先開到, 成個牙齒印係個蓋度~HAHA~ 就咁睇, 有D肉色~ 以為係有色打底霜 不過推開後, 只係得番少少閃閃地既效果~完全變左透明色, 但好明顯皮膚透亮左, 連D青根都現D~ 搽上面試下, 一樣未推開時有D色~ 推開後就完全變左透明, 感覺透白左少少~但唔係死白個隻~ 搽埋粉後就唔係太覺~ 化完成個妝,整體感覺亮光左~但分別好似不大咁 所以我會選擇另一種方法，用黎做光影膏。記得有個化妝師教盡量唔好搽太多粉狀野上面, 可以的話都用膏或CREAM 代替，咁樣個妝就無咁厚~ 而呢隻亮采打底霜因為有亮麗既功能，所以用黎局部搽係要凸出的輪廓部份就最好。因為佢既質感好輕, 好薄，完全無負擔, 比起光影粉更自然。 先將粉底霜搽係鼻, 額頭等需要打亮的地方，但唔再搽粉底。其他地方就好似平時化妝咁, 再打番少少鼻影, 成個妝即刻立體哂, 個鼻即刻高左~ 以前只聞Laura Mercier 呢個牌子, 但就真係無用過, 今次終於有機會體驗下。 呢隻保濕抗氧打底霜（亮采）加入左超微細粉紅珍珠粉末, 利用光線折射的原理黎隱藏瑕疵及細紋，改善膚色泛黃現象，令肌膚散發紅粉緋緋的自然光采。就咁搽底霜都可以令到皮膚有光澤感。 不過試過朝早成面搽左後, 中午額頭, 鼻位就開始出油，感覺佢既保濕能力麻麻。用黎做光影膏既效果反而不俗~ 如要聯絡本人，請電郵至 :smonkichi@hotmail.com
