始終, 我地唔係鬼妹 無好高既鼻樑, 好深既眼窩, 好突出既輪廍 始終, 我地只係凡人 我地會有黑眼圈, 有膚色不均，有豆豆印, 有好多皮膚既問題~ 所以, 我地要用化妝黎改變自己~ (整容除外) 多謝loreal 在過百的fans 入面揀左我黎試呢set 新的 <L'Oreal Cosmetics Lucent Magique 感光立體底妝系列> 一套有三件 Lucent Magique感光立體妝前霜、粉底液及亮采筆 好高貴金色包裝~ 呢套化妝品的理念，是利是不同的反光原理, 幫我地將輪廓突出 即係好似畫畫咁, 利用光與影黎製造物件的立體感~ 即係利是化妝品為自己勾劃出一個完美突出的輪廓~ Lucent Magique感光立體粉底液 有SPF24PA+++防曬, 又方便左唔使再搽防曬~(真係懶得就懶~ ) 成枝粉底好似好大枝咁, 其實只有30ML~ 唧嘴既設計, 減少空氣既接觸, 保持保妝品既新鮮 但佢都只有12個月既限期, 所以要快快用~ 搖下佢, 入面有粒珠仔咁, 用之前要搖勻的~ 好細心咁係樽身同盒都貼上試用色調, 實唔會搞錯~ 我今次就試用N2色~ 大力按左一下, 好大PAT 添~ 不過可以睇到佢既質地偏向水狀, 一路影, 一路流緊啦~ 用少少輕輕一推開, 真係好開, 因為質感似水, 人地要用橙皮, 我用面皮都試到佢既遮蓋度 (塊面太多窿窿了 ) 老實講, 因為薄透既水質，遮蓋度只有5成度~ 所以. 用之前真係用做好打底功夫, 遮番D窿窿, 印印先~ 不過, 都可以睇到佢真係可以推到好薄~ (呢度已經搽左兩層了) Lucent Magique感光立體妝前霜 呢款BASE其實都有30ML, 但因為包裝問題，好似細枝好多咁~ 佢用之前都要SHAKE SHAKE架喎~ 可以睇到有D珍珠白既粒子~ 好白, 當然, 都好水啦~似LOTION 咁~ 一推, 成隻手都變左珍珠白 (但無色的), 仲會反光~ 我自己就比較鐘意無色既BASE, 因為有色BASE 又加多粉底色, 好似太多色了~ 不如就睇下粉底 同 加左BASE 既分別 左手邊係咪色擇比較淺左, 而且透高左 右手邊既色就比較實色~ 加左BASE 粉底ONLY 可以睇到雖然大家都遮左本身既膚色 (鼻位我無搽粉底, 可以用黎做比較) 但加左BASE後整體都光高左, 而且仲有D光澤感同透亮 黎個遠鏡睇睇~ 遠離睇可能無近睇差咁遠, 但都明顯睇到加左BASE個面既膚色較明亮，仲有少少似白裏透紅添~ 而且用左BASE 後, 再上的粉底液仲貼D 同保濕效果都KEEP 得耐D添~ 所以, 想化個靚妝, 首先要打好個底先~ Lucent Magique感光立體亮采筆 其實呢枝亮彩筆真係好似一枝晝筆咁, 只要係你想高既地方畫一下，就可以令到佢比較光亮 其他地方暗, 呢個位光，此消彼長, 你既輪廓即刻出黎啦~ 只要係高樑, 眼蓋邊, 下巴中間, 額頭中間搽少少做HIGH LIGHT, 就成個人都立體哂 至於搽係顴骨位, 就要睇自己啦, 如果本身顴骨都唔細既, 就唔好再去HIGH LIGHT佢啦~ 我今次係試用 BJ148 LIGHT 三件PRODUCT 但只有呢款筆既包裝有咁多日文, 可能係日本水貨黎喎~(你信？ ) 可能係初初用, 我轉左好耐先出到少少色,仲以為枝筆壞左定自己唔識用 每次只要係另一邊度扭幾下就會有野出, 唔怕成日開住干左~ 個掃掃落番面都好滑好舒服喎~ 大家都知打光影既位啦, 我都唔再講了 因為打光影出黎既效果唔太明顯 所以, 我用左我既黑眼圈黎試色 YES 個面搽左後黑眼圈既黑色位淺左好多, 連帶個眼袋都細左 NO 個面無搽, 成隻眼瘯黑(好似俾人打完咁~ ), 個眼袋仲大到裝得落個COINS AR~ 原來亮彩筆除左用黎打亮, 做埋遮瑕都唔錯喎~! 其實, 想擁有吸引的外貌, 唔需要下下都用搵命博去整容既, 只要懂得利用化妝品黎突出自己既長處, 遮去缺點，你都可以擁有一個標緻既面孔~ 如要聯絡本人，請電郵至 smonkichi@hotmail.com
