係厚福街有間門口細細但又好CUTE的鋪頭原來一路入去係直上2樓全層,超級大的~ 唔單止大,仲裝修得好有特色,全和風加上可愛風,超吸晴 靠窗一大排卡位, 私隱度不錯。 想自成一格,仲可以包房。 房間可以應該人數而調整大小添 (牆上既畫作真係好得意,好搞笑, 食飯輕輕鬆鬆幾好) 叫得居酒屋,食物選擇一定好多有刺身,串燒,鍋物,甚麼炒飯炒麵都有係居酒屋都有得打邊爐,好特別~ 今次仲試左個超特別的鍋芫荽白雞湯 + M6 澳洲和牛 + 是日蔬菜盛盒 $298 芫荽魚片湯底就試得多,芫荽白雞湯就第一次試雖然大家都係芫荽,但2者既味道完全唔同的 成個湯底綠油油,震懾眼球芫荽磨成蓉,入口好清新, 無草腥味。 就咁飲一流~ 我飲左2碗~HAHA 因為湯底比較清,特意點了較多脂肪的M6 澳洲和牛(以呢個價錢食到M6 和牛,是抵的) 沾滿了芫荽的和牛食落口真係無乜油膩感,仲好滑好嫩~ 蔬菜盛盒好豐富,有不同的菜類,菇類,仲有豆腐同葛絲~最重要係蔬菜望落好新鮮,無發黃~ 但因為芫茜湯底味偏淡,加上大量的蔬菜,餐廳又無醬油預先提供食到後尾有少少口淡淡食番D濃味的串燒啦~今次叫既串燒,豬牛雞都有齊~分別係黑豚大腸串,鹽燒牛舌同雞皮,,,HAHA 串燒整體水準唔錯,個黑豚大腸汁好好味牛舌燒得又香又JUICY ,雞皮脆下下,好香口。原條燒茄子 $ 48好細心地起哂皮,入口真係啖啖肉 茄子係清燒,無落調味的隨茄子跟上一碟醬汁 (類似天婦羅汁) 可以點 鮮檸檬燒酎梳打 $58 黎居酒屋,當然要飲下燒酎呢個檸檬燒酎,直頭係打咭必備~唔單止夠哂大杯,個一柱擎天的檸檬柱好有睇頭手多多既我成條檸檬抽起,嘩,真係好長架~HAHA 檸檬雪成一條,結左冰,所以唔會咁易斷的 燒酎入口酒味唔太濃,女仔飲都OK, 不過小心飲得多一樣有D酒意架~但本身杯飲品的的冰太多,令到檸檬冰溶得好慢,燒酎的鮮檸味唔夠突出菠蘿乳酸梳打 $33 味道比想像中淡, 有菠蘿同梳打味,但無乜甜味~ 加多少少乳酸既酸甜味落去就好了 感覺餐廳的路線以健康清淡為主,菜式都係少鹽少油少甜原來係被居酒屋擔誤的健康餐廳~令和鍋物酒場尖沙咀厚福街9號豪華閣地下-1樓產品由品牌提供文章只屬個人意見,效果因人而異,只供參考聯絡本人: smonkichi@hotmail.comFanpage : www.facebook.com/smonkichiInstagram : https://instagram.com/smonkichi/本人其他分享網站連結 :* Blogspot * She.com * U Blog * Beautylife * Girlab * ESD Life 生活 * Beauty Qooza * Baby Kingdom * Fanpiece * Girlssss.com