旺角，的確不復往日。西洋菜街一帶的吉鋪超多，街上一片蕭條 但想不到在旺角新寶戲院附近竟然開了很多食肆，街上也擠滿了年輕人 在這裏，我又能重新感受旺角的活力。 這間以日式裝潢為主的店鋪，特別搶眼 丼燃飯堂 店鋪的設計由內紅到外 店面的設計字，內裏的椅，加上牆上的火老虎，氣勢如虹 頓時令人血脈沸騰 由枱墊，豉油碟，筷子套，甚至水杯都配合番餐廳主題 見到店主有落過心思 丼飯近年大熱，因為有香港人最愛的魚生，又有大碗飯，大滿足 呢度有自選丼飯 (自選配料) 但都有諗好組合丼 我呢D有選擇困難的，當然揀現成啦~ 除左丼飯，呢度仲有卷物同小食，就一次過試哂佢啦~ 開動啦~ 第一碟就係打頭陣既小食 爆蒽鵝肝多士 $ 68 份量望落又的確真係幾小~ 不過呢D小食貴精不貴多啦 鵝肝未算好肥，但勝在煎得夠香口 加埋D 汁同松露醬，味道的確唔錯~ 和牛卷 $98 估唔到上枱咁有視覺效果，打咭一流 和牛卷唔得止好睇，仲幾好食 和牛半生熟，極之嫩滑，再加埋脆脆乾蒜片，軟脆兼之 ，幾有驚喜 九公丼 $ 178 顧名思義由九種不同食材組成 有海膽 / 三文魚 / 三文魚籽 / 牡丹蝦 / 蟹肉 / 帶子 / 拖羅蓉 / 壽司羗 / 是日精選 (油甘魚) 咁多料，打字都打到手軟 。一次過可以食到咁多款魚生，啱哂貪心既我，感覺好完滿 每款魚生料份量都好足，絕不欺場 而且全部都處理得好好，唔會成舊雪個種 丼飯，除左魚生，飯都好重要架~ 呢度既飯，粒粒飽滿，軟硬適中，最欣賞係D飯仲係微暖 唔會太熱影響魚生的口感，又唔會凍冰冰硬綁綁~ 另一個好拍擋，當然就係呢個豉油 咸味適中，用黎點魚生或撈飯都好正喎 將飯同拖羅蓉混勻，再加入豉油，十級正~ 呢度既飲品唔算多，只有五款 還好冷泡茶同丼飯都幾夾呀 冷泡茶幾抵，大大枝15蚊, 又夠凍 用上三角立體茶包，只有茶味，無甜味。茶味好夠，可以解飯氣呀~ 丼燃食堂 DONYIN DINER 旺角花園街3-5號鴻威大廈地下6號舖 文章只屬個人意見，效果因人而異，只供參考 聯絡本人： smonkichi@hotmail.com Fanpage : www.facebook.com/smonkichi Instagram : https://instagram.com/smonkichi/ 本人其他分享網站連結 : * Blogspot * She.com * U Blog * Beautylife * * We Share * ESD Life 生活易 * * Beauty Qooza * Baby Kingdom * Fanpiece * Girlssss.com
