護膚呢，我最注重就係清潔。只要清潔做得好，搽護膚品都吸收多D~入手左呢部來自日本，全球最細的家用AQUA PEELING 機，終於可以在家做深層清潔啦~~Hakuro Aqua Peeling 深層毛孔清潔機 呢部全球最細，最輕巧的家用AQUA PEELING 清潔機，價錢只係幾百蚊，但做齊AQUA PEEL 的4種功能， 平時出街做一次AQUA PEELING 都唔止呢個價錢咁究竟佢WORK 唔WORK 呢？ 一齊研究下先 首先睇睇佢既硬件成部機真係非常輕巧細小，連埋配件都只係一盒餅咁大，放係屋企一D都唔阻地方要讚下D後備配件都唔少，非常細心採用 TYPE C USB叉電，拎去任何一個角落都用得 機身只有2個掣， 一個開關，一個檔位鍵，非常易用(開關掣：長按電源鍵 1.5秒開/關機 ， 短按切換不同模式)(檔位掣 ： 輕按選擇3個吸力強度 (柔和, 標準, 強烈)每個檔位都有時間掣架，做完就會停，唔使自己計時 唔好睇Hakuro Aqua Peeling機仔細細，佢有4個模式，做到不同功能架熱水循環 - 軟化油脂黑頭真空熱吸 - 快速清除污垢水氧循環 - 補充水份氧份冰療循環 - 收緊鎖水緊緻每個步驟配合不同功效的精華水一齊使用 又吸力，又水箱，又精華水，究竟要點配合？ 等我整理番一個LIST 先步驟 1 真空熱吸吸力度：柔和 精華：AS1 清潔去角質精華水落 水箱： 分隔式水箱 使用時間: (3分鐘) 熱溫導出 (Warm)原理，利用紅光喚醒肌膚，通過熱水循環系統打開毛孔，軟化黑頭, 粉刺, 油脂, 化妝品殘留物等 。 部機既吸力有柔和, 標準, 強烈，3個不同強度 ，而STEP 1 主要係用紅光喚醒肌膚，建議用柔和吸力就夠啦~ 使用時吸咀會發出暖暖的溫感，無太大刺激感，亦唔會有任何痛的感覺架我建議大家初用時先開柔和的強度去感受同熟習一下，用熟左再加大強度對我黎講，面頰位用"柔和"已經好夠吸力。額頭呢D位就可以用標準力度使時用記得使用時盡量維持儀器90度呀當儀器傾斜超過40度時，會自動暫停，同時紅色警示燈亮起並發出警告音效。儀器傾斜超過40度的時間超過10秒, 會自動關機添步驟 2 真空吸附 (Vacuum)吸力度： 標準或強烈 精華：SA2 清潔肌膚精華水 水箱： 分隔式水箱 使用時間: (3分鐘)呢個STEP 係通過熱吸技術, 將軟化的黑頭, 粉刺, 油脂, 化妝品殘留物等通通吸走, 徹底清潔乾淨。因為第一個STEP 已打開毛孔，所以呢一PART 就可以吸得更徹底啦~留意番，吸咀放係面時既時間唔可以過長呀，可以用輕點或拉過的手法而且亦都唔建議係同一個位不停咁吸，尤其面頰位。吸1-2 下就夠吸太耐及太多會令到皮膚過份受壓架~ 建議大家可以將面部劃分為不同區域，一PART PART 咁吸咁就可以確保每一個位置都吸到啦~ 部機有2個可換吸咀，一個是面部使用，一個係鼻位使用面部吸咀的吸力會大D，而鼻位的吸咀範位集中D，吸力細D 我懶嘛，所以基本上我無換頭的~ 由頭到尾都用番吸面的吸咀 面部吸咀吸力大D，用黎吸鼻位D黑頭我覺得好正喎 步驟 3 水氧滲透 (Cleaning) 吸力度： 標準或強烈 精華：SA2 清潔肌膚精華水 水箱： 一體式水箱 使用時間: (4分鐘) 呢個STEP 係通過水氧循環系統給皮膚補充水份和氧份, 令皮膚變得更水嫩有光澤說明書建議用一體式水箱， 不過用分隔水箱都無問題做過AQUA PEELING 都知做完後會有箱好震撼既污糟水，呢部機同樣做到呢個效果架有圖有真相，俾你睇到塊面究竟幾咁DIRTY ~左邊係新加的淨水 / 右邊係廢水因為不斷的水氧循環其實都幫緊我地既毛孔同皮膚清潔見到水入面真係混濁左好多，而且仲有好多飄浮物, 應該係我面上的角質層同毛孔入面既污糟野(我有日日用洗面架啦，原來都係未徹底清潔~) 步驟 4 冰感緊緻 (Ice)吸力度： 柔和 精華：AO3 營養補水精華水 水箱： 分隔式水箱 使用時間: (3分鐘)呢個STEP 使用藍光鎮定緊緻, 通過冰療循環系統收細毛孔, 提拉緊緻, 鎖住水份和氧份同第一個STEP 一樣，都係用光的原理，所以吸力唔使咁大開啓呢個MODE時，個機頭係涼涼冰冰咁，好舒服佢幫我地舒緩皮膚。冰涼感仲有助收細毛孔 今次的水箱無之前咁污糟啦，證明皮膚真係乾淨左唔少 使用效果見唔見到D黑頭少左好多呀唔使唧，唔使按，毛孔就乖乖吸走哂，仲無紅無腫架呢D咪就係真正既 「無痛去黑頭」囉~而且皮膚仲滑左好多，毛孔都即刻細哂~望落細緻左好多呀~ 呢部機只要每星期用一次就夠長期堅持用， 4-6星期後就有更明顯效果添仲有少少TIPS1. 做機的狀態最好係沖完涼，等毛孔打開的狀態下使用效果最佳2. 清潔完建議再使用補水面膜，吸收效果更好3. 做完機後的幾日皮膚會比平時乾D，因為吸走左油脂同污糟野嘛。所以建議連續敷佢幾日面膜，特別吸收架~部機仲有一個好勁既功能架，就係自我清潔 XD 1. 除下吸嘴, 換上透明清潔咀蓋2. 安裝一體式水箱並加入適量清水(自來水都可以，但用過濾水或蒸餾水就更好)3. 選擇水氧滲透 (Cleaning)模式 儀器會自行完成清潔功能後自動關機。係咪好方便呢？ 自動清潔完的機記得要放乾先好收埋唷~建議勤加清潔，就唔怕部機暗生細菌啦~呢部機真係又方便又有效最重要係唔阻地方，依家隨時係屋企都可以做AQUA PEELING啦佢已經成為左我既新寵兒啦~ 更多示範，可以睇下呢段片呀~https://www.facebook.com/onbrico/videos/392326232525163https://fb.watch/7jqtN2_R7E/香港獨家代理 : Onbrico購買連結 : https://bit.ly/3t7pw9F免運費! 順豐寄件! 可選擇商業地區或順豐櫃以上產品 由品牌提供 如對產品有任何疑問，可直接聯絡品牌查詢文章只屬個人意見，效果因人而異，只供參考如要聯絡本人，請電郵至： smonkichi@hotmail.com Fanpge : www.facebook.com/smonkichi Instagram : https://instagram.com/smonkichi/Click below for my sharing platform :* Blogspot * She.com * U Beauty * Beauty Exchange * Beautylife ** We Share * Beauty Qooza * Baby Kingdom * Fanpiece * The Ztyle ** ESD Life 生活易 *
