今年暑假因為疫症關係，不但少出門，連暑期班/活動都取消哂小朋友係屋企玩整麵包，煮飯仔都玩到厭，就連打機都打到悶為左唔想大家都咁頽廢落去，我又搞D新意思先DIY Ukulele 手作結他 呢盒唔止係玩具咁簡單，其實一套 的 STEM KIT SET 其實咩係STEM ? STEM 是縮寫，代表科學 (Science) 、科技 (Technology)，同工程 (Engineering)及數學(Mathematics) 各英文譯寫的首字母縮略詞。 而 STEAM，即是加入藝術（Art）的元素。STEAM 教育係全球的教育趨勢，阿女個時考小一，好多學校都有STEM 的介紹架係玩STEAM 的過程中，可以幫助小朋友從小學習科學、工程等專業，提升解難能力及學習興趣。 今次呢個STEM KIT，就係人手DIY一個 Ukulele 手作結他利用製作過程，令小朋友對於聲音，弦樂有更深入了的認識，仲可以寓學習於娛樂呢份 STEM KIT係網上訂購，足不出戶，成盒材料包就送到家，非常方便。初初收到貨時，真係想像唔到點樣整。不過完成後滿足感真係超級大。唔止阿女，連我都超級開心。DIY Ukulele 手作結他 KIT SET成個KIT SET 材料包括 硬卡紙版，配件，仲有熱溶槍同鉗，超級齊全因為要使用熱溶槍, 鉗等工具，適合比較大少少既小朋友及家長一同製作 同平時既手作野唔同既，就係呢份 KIT SET 會加埋一份NOTE 前半部份就列明每一個步驟要掌握既技巧同原理而後半部就利用問題，俾小朋友了解到樂器的運作原理好驚買左返黎唔識整？ 唔使怕。因為整個製作過程都有網上既講解個人認為成個網上講解都非常清楚，細心，每一個部份都有清晰既講解同示範。大家仲可以因應自己既進度去暫停，重睇，重聽，一定睇得明同整得到~ 一齊黎睇下材料包有D咩包括硬咭紙，雪條捧，竹籤，弦線同調音器另外，大家可以準備定一D家用的文具，好似筆，間尺，較剪等做輔助 咭紙係預先已裁好，只要輕輕力扭一扭或用CUTTER CUT 一下就可以成塊拆出黎。溫馨提示： 每張咭紙上都有一個號碼, 我會叫小朋友將咭紙按數字排好方便之後使用其實呢個都係一個學習。工作前先將資料整理好，之後做落去先會更方便，更快捷 第一個環節其實要學習使用熱溶槍我女成日睇 DIY既短片，見到人用熱溶槍好似好簡單，好方便但到自己用時先發現唔係想像中咁容易，原來熱溶槍要預熱要控制力度令膠水出得均勻，仲要快手痴。唔實戰過，永遠唔會明白當中的困難女女初初都好驚，又驚熱，又驚佢乾，又唔識控制力度，要搵爸爸幫下手不過係我地既鼓勵下，做多幾次，已經變得熟手。可以自己全程操作啦~ 成個結他主要分要3個部份，包括 琴身，琴頸同琴頭雖然看似簡單，但做起上黎都需時因為要先睇片，再跟住做，前前後後都用左 3個小時先全部完成全家人一齊睇下，整下，就消磨左一個假日。計番，都幾抵玩 XD成個過程最困難係要剪雪條捧同割竹籤，小朋友未必夠力，要搵爸爸媽媽幫下手啦。除此以外，其他部份小朋友都可以自己輕易完成。女女本身有學小提琴，所以對於最後的上弦好有興趣做過後，對於弦既粗幼，鬆緊同聲音的關係有更一層的了解，仲學識自己調音添～ 成個 Ukulele 終於完成啦不論大人小朋友都好興奮，因為呢個係大家一手一腳砌出黎架～ 阿女更要即場演奏下添，直情到左忘我既境界但，點解要放個盒係前面....................XD 呢盒手工最好係網上平台訂購，速遞直送家中 。好啱家下唔出得街既日子呀~成個製作唔算難，不但係絕佳既親子時間；透過製作 DIY Ukulele 手作結他，令小朋友認識樂器發聲原理、發出聲響背後的科學原理及基本 Ukulele 操作技巧和樂理理論，仲可以提升學生對藝術知識及科學原理的興趣同系列仲有一款系列產品：小小理財家課程（製作簡單的吃硬幣機械人）呢款產品適合年紀更小的小朋友，除左俾小朋友認識基礎電路和機械知識，同時仲可以認識理財與儲蓄的概念架購買連結：https://bit.ly/3jIrzMj Turned-E : https://www.facebook.com/pg/TURNEDEEDUCATION/U blog : https://www.facebook.com/blog.ulifestyle/產品及資料由品牌提供如對產品有任何疑問，可直接聯絡品牌查詢文章只屬個人意見，效果因人而異，只供參考 如要聯絡本人，請電郵至： smonkichi@hotmail.com Fanpge : www.facebook.com/smonkichi Instagram : https://instagram.com/smonkichi/Click below for my sharing platform :* Blogspot * She.com * U Beauty * Beauty Exchange * Beautylife ** We Share * Baby Kingdom * Fanpiece * The Ztyle * ESD Life 生活易 * #UBlog #UBloggers #UBlog親子 #STEAM教育 #親子活動 #親子溝通 #教育玩具 #TURNED-E
