閒時都會同女女去上下興趣班 咩蛋糕班呀，紮染班呀~ 最近，朋友介紹 係呢個網站好多Workshop https://www.facebook.com/learntifyhk 咩類型都有，真係你諗到同諗唔到既都有 搵下ART ，見到有小朋友既畫班，仲有得去試堂添 我都想同女女去試下，因為小學好多功課都要畫畫 呢間位於荃灣荃豐中心的畫室 鄰近地鐵站，都幾方便 行近，已經俾佢鋪天蓋地既作品吸引了 見到呢D畫作真係又羡慕又失禮 人地幾歲人仔都畫到咁靚，我自己都畫唔出呀 自己教唔到，都係要俾專業既老師教架啦~XD 咁多獎，唔知第時我個女有冇份呢 XD 呢度除左教畫畫，仲有好多手工藝班 呢D咁精緻的壽司, 直頭以假亂真~ 咩生活題材都可以整到出黎 由菜檔到車仔檔都靈活靈活現~ 甚至呢D咁懷舊既糕點都整到呀~ 童年回憶即刻返哂黎~XD 除左古老野，當然仲有小朋友最愛的卡通人物啦~ 咩公仔，咩造型都有，創意同手藝少一樣都搞唔掂呀~ 呢度既課堂係小朋友獨自上堂，小班教學 而老師會根據番小朋友的年紀編成一班，唔會出現太大的分歧 而且仲有幼兒班 俾 2.5-5.5歲既小朋友架~ 今日係女女第一堂，老師先問左佢鐘意D咩 女孩子，當然鐘意畫番女孩子, (唔知點解，唔好問我 XD ) 所以老師就先從小朋友的喜好入手，教佢畫女孩子~ 投其所好，引發小朋友對畫畫的興趣先 女女話老師好細心咁教導佢每一個部份的構圖 用色方面除左好似平時咁油，仲教左一D特別既技巧 下課後，老師仲會同家長講番小朋友的強弱部份，學左咩技巧， 等家長知多D，回家都可以同小朋友傾番同練習番 一個鐘頭過去，女女既大作已經完成啦~ 真係好感動呀~ 做唔到短短一個小時，佢既畫功進步左咁多 背景係用番筆油左再暈開，呢個技巧幾好呀，又靚又易整 第時做功課都用得上呀~ 個公仔既眼畫得好靚，我問阿女，係咪老師幫你架 佢話唔係喎，係自己畫架~ 真心覺得好靚呀，我自己都唔識畫~XD 想知多D關於workshop 既課程，可以上呢個網站睇睇架 Learntify Facebook： https://www.facebook.com/learntifyhk 藝術風畫院 Trendy Art Center https://www.learntify.com/listing/trendy-art-center-kids-art-program/ 如對產品及活動有任何疑問，可直接聯絡商家查詢 文章只屬個人意見，效果因人而異，只供參考 如要聯絡本人，請電郵至： smonkichi@hotmail.com Fanpge : www.facebook.com/smonkich Instagram : https://instagram.com/smonkichi/ Blog Link : The Ztyle * Beauty Qooza * She.com * U Beauty * Beautylife Blogspot * Beauty Exchange * We Share * Cosmo * Elle * Baby Kingdom * ESD Life 生活易
