尖沙咀酒店食肆林立 要幾高級有幾高級 不過價錢都一樣好高級 今次同朋友黎呢間,就係高級得黎又係Affordable 的 Diletto 門口位於漆咸道南 雖然門面細細的,但感覺很突出,在門口已感覺到那份格調 因為就係公司對面,所以好早就黎到,天都仲未黑呢~XD 落地大玻璃窗採光度極高,加上窗旁的一列花卉擺設 感覺好似一間溫室花園~XD 頭上一列設計獨特的燈飾,為餐廳添上了一抺特色 另一邊靠牆的位置,都係以花為設計 但感覺截然不同~ 還有一個設計較成熟穩重的角落呢~ 樓底高,感覺非常開揚,坐得好舒適,好RELAX 特別呢度既客人都以斯文為主,大家都喁喁細語, 不會有很大的聲響影響進食呢~ 是日皮膚狀態不佳,所以都沒有叫飲品 餐廳提供熱水,用上全玻璃茶杯,和店中的擺設很配合~ 呢度既格調走高檔路線,價錢就AROUND 200-300蚊一個MAIN COURSE 一個FULL SET DINNER 就700蚊一位 以呢個格調黎講係合理既~ ~ 先來個麵飽~ 麵飽是方塊型的,已烘得乾乾脆脆 點了2個 Course Carbonate spaghetti 配上了半生熟的溫泉蛋~ 正宗之中的小變奏呢~ 白汁非常的濃郁,完全的緊貼在麵條上~ 意大利麵內藏有超多的餡料,煙肉,蜆肉,磨菇... 不過醬汁太過濃,有D膩,不能多吃~XD 再來一個係ProsciuttoPizza Pizza 伴以超薄底,脆脆的邊~ 上面佈滿了滿滿的芝士和Parma Ham, 還有火箭菜~ 最特別那圈橙橙的圍邊,係 Yuzu Jam, 非常清甜的柑橘味~有少少似柚子醬 從來無想過果Jam和 Parma Ham 係可以配搭到的 也幸好有這個Yuzu醬,就算有厚厚的芝士醬在底,多食也沒問題呢~ 入夜後,餐廳又係另一番景象~ 由溫暖的溫室花園 搖身一變為高格調的琉璃屋 係咁正既環境下 如能三五知已,摸住酒杯底係度談天說地,必定寫意非常 Diletto 尖沙咀漆咸道南11-15號余仁生中心1樓 如要聯絡本人,請電郵至: smonkichi@hotmail.com Fanpge : www.facebook.com/smonkich Instagram : https://instagram.com/smonkichi/ Blog Link : The Ztyle * Beauty Qooza * She.com * U Beauty * Beautylife Blogspot * Beauty Exchange * We Share * Cosmo * Elle * Baby Kingdom