鐵板燒係日本料理入面都算係高級同昂貴 記憶中的鐵板燒係80年代電影入面開始出現 當時既香港人個個撈到風山水起,去食鐵板燒係一種身份的象徵 (同當時的大哥大電話既作用一樣) 黎到今日,鐵板燒呢樣野已經無咁離地, 平民化左好多,即係大家得閒都會去食下 今日,我就約左朋友仔去呢度食鐵板燒 S2 鐵板燒 S2 Teppanyaki 這個地點,坐地鐵的話其實有點兒路程 坐西鐵去柯士甸站出反而更近~ 離遠,已經見到大大個紅色燈籠,好易認 店以紅黑為主,色感強烈,應該係配合燒的感覺 這張枱,就係店鋪的靈魂,我地今晚就係呢度睇師傳表演~ 吧枱的話其實只有9個位,想坐的話,最好早點預訂了~ 當然,還有2-3張的ORDER枱~ 每人杯裏都預放了一個柑桔,用黎沖柑桔水,解熱氣一流 是夜,見到老闆樂師傳親自下廚,好興奮 只見師傳用熟練的手勢,幾下就將食材搞掂上枱 完全係係視覺的享受 點了兩個套餐 日本十勝豚肉北海道松葉蟹套餐 HKD 450 海膽焗原隻龍蝦北海道帆立貝套餐 HKD 780 有幾個套餐,其實都只係450蚊,非常貼地的價錢 先來一個日式鴨胸豆腐沙律前菜~ 以Dry Martini 的杯盛載,賣相取勝 壽司不過不失,八爪魚切得過薄,缺少了那份獨有的彈性 先來個近期大熱的甲羅燒層層海膽杯 是限定的唷~ 小小的蟹蓋上盛滿了美味的" 子" 有三文魚子/黑魚子/沖繩海葡萄以及大大塊的海膽,滿瀉爆出來的感覺 每種"子"都有不同的獨特口感和味道,一併放入口內,滿嘴彈跳,感覺奇妙~ 而蟹蓋內亦藏有滿滿的蟹膏和毛蟹肉 蟹膏的甘香,在口內縈繞不散,回味無窮。 剛食了那個松葉蟹蓋,腳當然也不能放過 燒過後的蟹腳有一陣特濃的蟹香,食落有海水的鮮咸味,調味料也不用落~ 松葉蟹腳的肉比長腳蟹也不遜呀~ 放入口啖啖肉,非常滿足 香檳焗啱蠔 連個碟也是蠔的形狀呀~ 蠔也是來自日本的 ,燒至半熟,蠔邊爽脆,蠔身滑不溜口~ 個人不太喜那個沙律醬,太多了,太膩之餘也搶走了蠔的鮮味~ 北海道帆立貝 大大的一粒,燒至半熟,外焦香而內嫩滑一點也不痴牙~ 那個黑松露醬,還好提升了帆立貝的鮮味,沒有太搶味 這道 叫 招牌脆皮煎鰻魚 果然係招牌菜,非常的特別呀...... 那個皮煎得超脆,從來無想過魚皮可以煎到咁脆 而肉的質感非常彈牙,比中山脆肉鯇還要彈 鐵板海膽醬芝士焗原隻龍蝦 睇住師傳一個個步驟咁整出黎 又芝士焗,又要火炙,都真係唔少功夫~ 龍蝦已被解體,非常方便食 每舊都啖啖肉,經過火炙的芝士超級香 龍蝦雖然煮左好耐,但肉質仲好滑喎 淨係食呢隻龍蝦,都已經好超值~ 十勝豚肉 呢個豚肉亦超級爽同彈牙,和剛才的燒鰻魚同出一徹,非常野味 雖然其貌不揚,但絕對係美食 師傳攞了一個陣出黎,非常得意 原來係S2鐵板紙包蜆湯 整個湯好清甜,有淡淡的海鮮味和紫菜味 中和了之前鐵板燒肉類的膩 而且入面仲有蟹,蜆,秋葵,食哂勁飽~ 再來仲有飯/菜,其實我已經飽到上心口~@@ 點擊圖片放大 這個DINNER, 邊看著師傳表演,邊食邊傾,足足坐左3個鐘有多~XD 師傳會跟番你食野的進度一度度菜上, 食每道菜時仲係熱辣辣的~ 食飯,其實都係一種享受 S2 鐵板燒 S2 Teppanyaki 佐敦偉晴街29-37號地下6號舖 如要聯絡本人,請電郵至: smonkichi@hotmail.com Fanpge : www.facebook.com/smonkich Instagram : https://instagram.com/smonkichi/ Blog Link : The Ztyle Beauty Qooza She.com U Beauty Beautylife Blogspot Beauty Exchange We Share Cosmo Elle Baby Kingdom