星期五HAPPY FRIDAY, 相約了很久未見的朋友來個LONG DINNER 選了在尖沙咀的百樂酒店的 PARK CAFE Park Cafe 很耐之前去過一次 當時食下午茶，無咩燈光，黑黑暗暗咁 家下新裝修後真係唔同哂，唔單止光猛左， 裝修擺設都令人有一種歡樂溫暖的氣氛。 食野，環境，心情真係好緊要架~ 環境變左，食物質素都提升左~ 是夜的主題 味嚐「鮮」‧「鮑」海鮮自助晚餐 前菜竟然有五款凍海鮮 蝦，青口，翡翠螺，花 同長蟹腳 此外，仲有多款沙律，配料~ 當中，我最LIKE 就係蟹腳同凍蝦 蟹腳啖啖肉，仲有D海水咸味，而凍蝦就超級爽口彈牙 反而青口同螺就普通，個螺淡到無味~ 另一邊就有刺身同壽司，有五款刺身可以揀~ 當然，仲有呢個即開的生蠔~ 蠔似有2款，一款修長，一款飽滿D，但估唔到2款都係好CREAMY 的 新鮮度不俗，蠔味未算好濃，但口感不錯 不過CREAMY 非我杯茶，所以今次淺嚐3隻就收手了~ 是夜的自助餐主題 "鮑"，係每人有一隻蒸 "鮮鮑" 鮑魚夠新鮮，不過個汁有D太濃，搶左鮮鮑既鮑味 清蒸應該會更吸引~ 熟食方便，除左有平時的熱盤，咖喱外 仲有燒羊扒同紐西蘭西冷 港式車仔麵 即燒的BBQ檔~ 同埋，我最LIKE的片皮鴨~ 片皮鴨要等佢出爐架，皮片得好薄，唔會成舊肉 最鐘意有大量的青瓜同大蒽絲呀 平時去食BUFFET, 真係好少會飲湯 但呢個成盅燉的猴頭菇花膠鮑魚螺頭燉雞湯，淨係聽個名都必定要飲啦~ 湯入面勁多料，湯頭好甜，又唔會係味精咸，直頭係阿媽靚湯呀~ BUFFET 熱食我就唔食得多，反而甜品就更有興趣~ 呢度既甜品真係超級多多多~ 最吸精的，當然係呢個朱古力噴泉啦~ 比較少見的，竟然有爆谷，仲有四種不同味道既醬俾你自己加添 又有即製窩夫，梳夫厘, PANCAKE 機 雪糕櫃都有2個，一個 Dreyers's ， 一個MOVENPICK MOVEPICK 仲有CONE 添~ 而甜品種類就真係多到.....眼都花~ 已經數唔到有幾多款 好多甜品都加入左近期流行的紫薯，啱哂紫薯控呀~ 仲有呢個燕窩燉蛋白，滑到呢，食完希望塊面都有咁滑啦~XD 食BUFFET, 又點可以唔飲野 呢度既冷熱飲品都係無限任飲 而且凍飲仲有得自加糖水，又幾細心喎~ 呢度竟然有洛神花飲呀 (冷熱都有) 無糖的，酸酸地，好開胃，飲一杯幫助消化可以再食過~XD 當然，仲要飲一杯我最愛的COFFEE, 完滿結束呢個超飽的DINNER 啦~ 寫唔到咁多，大家一齊睇片啦~ Park Cafe 尖沙咀漆咸道南61-65號香港百樂酒店4樓 https://www.facebook.com/ParkHotelHongKong/ 憑Facebook優惠券惠顧自助餐，可尊享低至7折優惠！ 立即領取優惠：https://goo.gl/jLUu6U 透過WhatsApp訂座惠顧自助晚餐，每位更額外獲贈紅酒1杯。 訂座 Reservation: 2731 2168 | WhatsApp: 6588 0682 如要聯絡本人，請電郵至： smonkichi@hotmail.com Fanpge : www.facebook.com/smonkich Instagram : https://instagram.com/smonkichi/ Blog Link : The Ztyle Beauty Qooza She.com U Beauty Beautylife Blogspot Beauty Exchange We Share Cosmo Elle Baby Kingdom
