銅鑼灣永光中心 曾經係年輕時去飲酒玩樂的酒吧勝地 依家變左成幢都係食肆了 和老公舊地重遊，都勾起好多回憶 (當年佢成日收工後就黎呢度接我回家架啦~HAHA) 今日去左最高的25樓打邊爐 昏暗的燈光加上華麗的現代中式裝修，幾有情調 好適合2口子黎撐下枱腳 仲有一間房間，適合家人朋友一齊來包房，隱私度即提升~ 名叫川府宴，當然係以四川菜為主 呢度有得打邊爐同食小菜架 不過天氣咁凍，當然打個邊爐開心D 餐牌有中英對照，密密麻麻地，係昏暗的燈光下睇得有D辛苦~XD 呢度開左無耐，餐牌有可能只係臨時的 呢度環境裝修得咁靚，餐牌要整番靚D襯番嘛~ 呢度的打邊爐醬料會每枱送上，每款都好新鮮，切得細細 比起公家一齊用的，呢個感覺較衛生，乾淨 不過未必個個都食，可能有少少浪費 叫左個雙拼湯底 招牌麻辣牛小排鍋/花雕藥饍醉羊湯 花雕藥饍醉羊湯初上時有濃濃的酒香，飲左啖，仲有少少的花雕味 滾耐左，酒精揮發後，湯頭變得更鮮甜, 飲落暖意直抵胃部 藥饍味同羊味好夾，最正係入面有幾舊帶骨的羊腩 吸左湯的藥味，食落仲好有嚼頭，唔羶唔韌 至於招牌牛小排 麻辣湯底初喝未算很辣，但很清香，甚至食到有D蕃茄湯味添 不過滾幾滾後，花椒八角開始出味，辣度都提升了 但依然係很清香的辣味，用黎煮食物，煮完仲食到食物的原味~ 那個牛小排，淋得非常，比炆淋左既牛腩仲要淋 差唔多有入口即溶的感覺~ 澳洲海參 HKD 108 海參係屋企食真係夠煩，又要發又要洗 呢度108蚊就有成條，仲要發好哂，洗得乾乾淨淨 海參打邊爐好PERFECT, 因為佢可以吸收哂湯底的精華 而呢隻參肉好夠厚，又無沙，入口啖啖肉，又夠爽身~ 打邊爐點可以無牛？ 手切美國雪花肥牛 HKD 138 賣相超靚，雪花紋均勻地散佈係每片肉上~ 直頭好似牛肉刺身咁~ 最特別係除左每塊大小都切得一樣外 仲係雙飛咁切，大大件，唔怕掉左入鍋搵唔番~ 牛肉係超嫩滑的說，有A3和牛的水準~ 灼幾灼就食得，入口有濃濃的牛味，打邊爐必備呀~ 秘製手打四寶丸 HKD 98 有蝦丸/墨魚丸/鯪魚丸同梅菜豬肉丸 每粒SIZE都唔細架~ 比起現成的丸，呢D手打丸更有味道，真係食到魚，蝦，蟹子的味道架~ 墨魚丸超爽的，好實淨的感覺 反而鯪魚丸就好淋，加多少少生粉同胡椒粉會更好~ 最深刻係梅菜豬肉丸，入面真係有梅菜同豬肉粒 蟹子蝦丸入面混合了大量的蟹子，唔係坊間係幾粒係面裝飾個隻 自家製響鈴 HKD 68 呢個響鈴，店員介紹係自家製的，剛炸起就拎出黎 雖然係剛炸起，但竟然無油淋淋的感覺 超鬆化的說，鬆化到我唔想掉湯度整淋佢呀~ 田園雜菜 HKD 68 呢個雜菜籃有成4款菜同粟米 而且啤水得好干淨，一條黃/爛都無 呢度的環境清幽，裝修清雅 客人都以斯文為主，傾計談心都係靜悄悄的 舒舒服服地傾下計，談下心 2公婆好似返番去拍拖既時候咁~ 川府宴 SiChuan Delica 銅鑼灣登龍街28號永光中心25樓cy 如要聯絡本人，請電郵至： smonkichi@hotmail.com Fanpge : www.facebook.com/smonkich Instagram : https://instagram.com/smonkichi/ My Blog Link : The Ztyle Beauty Qooza She.com U Beauty Beautylife Blogspot BE We Share
