在官塘的舊城區內,突然有間裝修很日式,很別緻的鋪頭 令整條街的感覺都年輕型格了~ 就看,店鋪以日式拉麵鋪的藍圖為設計,以吧枱圍住整個廚房 (另入面有2張4人枱) 留意番, 餐廳的開放時間很短的 只開午飯及晚餐時間~ 想光顧的朋友就要留意時間了~ 枱上整齊地擺放了食拉麵的醬料,平時在拉麵鋪是較少見到咁齊的 有生蒜/白醋/胡椒粉 圖上的兩碗碗,就係呢間鋪頭主要的主打~亦是唯一 **醬油湯底拉麵** **豚骨醬油拉麵 (清湯/濃湯) ** 也就係說,這裏只賣2種湯底的拉麵,每款拉麵都可自由追加配料吧~ (很正宗日本人的做法呀XD) 叫了這個醬油半熟卵拉麵 HKD 78 望落湯底也很清~ 最吸晴是那隻半熟卵,真的是半熟沒有騙人, 那個蛋白,還在抖震著呢~ 叉燒,用日本技術的低溫處理, 超薄,超淋 而且,係超滑的,唔似平時食到成口嚡霎霎個種~ 係麵屋丸京FACEBOOK搵到既資料 本店遵從香港特別行政区食物環境衛生署《食物環境守則》 第四章4.4.2項訂明的烹煮生肉、殺菌温度及時間指引,來烹煮叉焼及真空低温調理叉焼 4.4.2 烹煮食物 (b) 烹煮生肉 (例如家禽、猪肉、免治碎肉 )時,肉的中心部分須在 攝 氏 75 度烹煮至少 15 秒, 或以其他有效的時間與溫度組合 來烹煮 (例如在攝氏 65 度烹煮 10 分鐘或攝氏 70 度烹煮 2 分 鐘 ) 又學到野啦~XD 呢個拉麵,就係彈牙,唔會食到成口麵粉個隻感覺~ 當然,亦沒有很重的鹼水味 師傳說,上枱要快食,唔好掛住影,因為放淋左 口感就變差了~ ~係係係~ (所以,順帶一提,呢度係無得外賣架~XD) 我同女兒2個,食2碗麵又多得滯 好彩,呢度有得追加一個淨麵, 只係加15蚊 (真心覺得好抵~出去買個日本公仔麵都要XD) 下次帶小朋友去食麵,可以試下尼個方法~XD 招財貓梳打 HKD 15 又係勁抵的價錢,同自己係日式超市都差唔多咋) 呢個係蜂蜜梳打黎,很勁的梳打味,第一啖有點嗆口~ 但味道唔算太甜~幾得意~ 除左門面,好想讚下呢度既洗手間呀~XD 估唔到一間只有廿多個位既鋪仔,竟然有個如斯大的洗手間 干淨整淨,無異味,地下無水 仲干淨過自己屋企個個~@@ 而且,馬桶仲用埋日本仔既恒溫洗PAT PAT 廁板~ 有一刻,我真係以為自己黎左日本~HAHA 呢度既價錢以官塘舊區物價黎講唔算平~ 不過,以裝修環境同食物質素黎講,就算抵囉~ 麵屋丸京 Menya Maru Kyou 牛頭角宜安街9號地舖 如要聯絡本人,請電郵至: smonkichi@hotmail.com Fanpge : www.facebook.com/smonkich Instagram : https://instagram.com/smonkichi/ My Blog Link : The Ztyle Beauty Qooza She.com U Beauty Beautylife Blogspot BE We Share