星期日搵地方食飯，滂沱大雨下衝進了這間餐廳 英皇紅酒扒房 King's Wine & Dine 是日黎得早，六點已到，又落大雨，我地係第一枱客~ 呢度出面裝修幾西式，入面幾舊式，好有 80年代既感覺~ 咩式都好，最緊要係乾淨，坐得舒服~ 是夜晚餐，六個選擇，竟然無左豬手同羊扒~ 有少少失望添~ 最後揀左一個春雞同牛柳~ 湯叫左一紅一白，上枱時個碗細細個，都幾精緻 紅湯有少少辣，好有傳統羅宋湯既味道~ 清清地，唔係落一大PAT 茄膏個種~ 個忌廉粟米湯好有驚喜~ 有一粒粒的粟米蓉係入面，味道又鮮甜~ 跟餐的包看似唔錯，不過食落有D硬，要沾湯一齊食好D~ 新西蘭自然放牧草飼牛柳 6 OZ HKD 158 呢度既餐只可以跟薯菜，無得跟飯或意粉 因為要餵飽阿囡，加左個香草寬條麵 HKD 30蚊~ 牛柳 6oz, 對我黎講份量就剛剛好，如果男仕可能未必夠~ 牛柳叫左七成熟，基本上拿捏得唔錯，無咩血水，但又唔會過熟~ 不過牛柳比想像中無咁滑，可能自然放牧，d肉有o趙頭~ 薯菜方便幾有驚喜，有真係燒過既瓜菜，比起平時個d多左擔心機 基本上的菜都燒得唔錯，唔會燒到乾哂，個紫洋蒽好甜 係個舊黃色的瓜有d苦苦地~ 個意粉就有少少失望, 味道還可以，就係有D略硬~ 美國野生有機燒春雞 個名...好似有D邏輯上的問題~HAHA 雖然話係春雞，份量都唔算細架~ 一刀切落去，隻雞竟然係咁流水~@@ 要即刻反轉隻雞 (要溫馨提示下客人嘛) 雞肉燒得幾嫩滑~有燒過的香草味，如果頭先D雞汁無流走會更加好味~ 開頭以為雞皮是脆脆的，不過又唔係喎，但皮好薄，無肥膏，又燒得香口， 連平時少食皮既我都覺得好好食~ 跟餐加錢轉左呢個特飲~ 蘆薈柚子蜜 真係有唔少蘆薈，阿囡第一次食蘆薈，勁鐘意食，揀哂黎食~@@ 柚子蜜甜度適中，好啱呢D乾燥的天氣潤一潤~ 我就跟餐叫左杯熱咖啡~ 一上枱已經覺得呢間餐廳好細心 咖啡杯是熱的，而且特別加厚了，更耐熱~ 奶更係加熱同有泡的，唔會溝凍咖啡之餘，仲可以自己玩拉花添~XD 可惜咖啡味道偏苦澀，我飲唔慣~T.T 浪費了咖啡杯和熱奶的一番心機了~ 英皇紅酒扒房 King's Wine & Dine 北角英皇道668號健康村地下3號舖 如要聯絡本人，請電郵至： smonkichi@hotmail.com Fanpge : www.facebook.com/smonkich Instagram : https://instagram.com/smonkichi/ My Blog Link : The Ztyle Beauty Qooza She.com U Beauty Blogspot BE We Share
