生日啦，生日啦~ ~ 老公帶我去左間好靚既比利時餐廳食飯慶祝~ >3< FRITES Belgium on Tap 一入到去就覺得好GRAND AR, 古典的設計配上柔和的燈光，好有格調~ 另一邊廂, 原來係個高高的BAR 頭，原來呢度下午3-7時段可以半價享用生啤、精選葡萄酒及烈酒架~ 收工後可以黎HAPPY HOUR 一番~ 如果鐘意吹住天然風把酒談心，仲有OUTSIDE位添~ 比利時人鐘意飲酒，尤其啤酒，呢度個DRINK LIST 成本書咁厚~@@ 講得出同講唔出既酒都係度搵到~ 正宗的鬼佬餐廳，望下D 醬汁就知~淨係個綠色李派林汁已經好少見 個HP 醬更係傳統，正宗的餐廳先會見到~ 是夜咁高興，點左杯白酒~ SCARED HILL SAU. BLANC 估唔到連酒杯都印埋餐廳LOGO， 值得一讚，呢度既酒杯，刀叉都抹得好干乾，要加分呀~ 酒我唔太識，不過呢隻酒都易入口，少少甜 先黎一個STARTERS PRAWN COCKTAIL ~ HKD 185 虎蝦是有夠大隻的，而且有4隻咁多，不過無甚麼味道，加上中間的沙律就解決到 沙律是切碎的生菜，魚子, 混合由蕃茄, 蛋黃醬，喼汁，檸檬汁同黑椒混合而成 的 MARIE ROSE SAUCE , 味道少甜帶酸, 很清新~ 比利時人最鐘意食咩？ 答案是…………………青口~ 平時我地食黎食去都係白清煮青口，實在有夠悶的~ 呢度既青口就有好多選擇啦~ 樣樣都想試，最後揀左個 LAKSA~ 因為見佢有CURRY SAUCE~HAHA 要左1/2 KGS, HKD 235, 都有差唔多二十隻喎~ 跟青口仲有個麵包同薯條添~ 青口同我地平時食既有少少分別, 體形較細小，不過亦較爽口~ 原來青口都有分橙色是雌性，奶白色是雄性 呢個LAKSA SAUCE 有椰汁，LEMONGRASS, LIME 再加入CURRY~好有泰國風味呀~ CURRY 香得又唔係好辣個隻，仲可以帶出青口的海鮮味~ 略嫌麵包得2塊太少了，如果多少少，可以索埋D CURRY 汁就仲正~ 是夜帶住阿囡，唔敢飲酒~叫左杯 PINA COLADA~ 又係椰子呀~(其實我好鐘意椰子的~HAHA ) MOCKTAIL 椰子味未算太濃，甜度亦適中，是偏清淡的飲品~ 同阿囡出街食飯，首要任務當然要餵飽佢 前個個D都有辣味佢唔食得，終於等到個佢可以食架啦~ FLEMISH BEEF STEW HKD 295 MENU 寫SHORT RIB, 以為有骨既~但完全係完全去骨，而且炆到勁淋~ 就連紅蘿蔔同洋蒽都煮到好淋好入味呀~ ~ 呢個牛肉既份量真係好多，同意粉差唔多係 1 : 1咁濟~絕無欺場呀~ 好鐘意佢個PASTA係超闊個隻，帶有少少嚼勁，加上切口有少少粗糙感，好似HOMEMADE咁呀~ 勁有農家風味呀~ 因為RIB同汁都係偏淋，混合呢個咁爽身的PASTA 好爽, 唔會食到一PAT PAT 咁~ 最驚喜係入面竟然加入左矮瓜呀~ 仲一D都無違和感，成個味道都好夾~ 小朋友嘛，當然要番個BURGER (點解好似阿囡生日多過我生日~><) RICH MAN'S BURGER HKD 175 呢個BURGER 真係好RICH AR!~ 咩料都有齊 最搞黎係有隻好似煎蛋咁既荷包蛋~ 牛係有機認證的~ 叫左七成熟，煎得啱啱好 香口黎又唔會熟過頭~ BURGER 既每層都夾有唔同既食材，有 芝士，黃瓜, 蕃茄~CARAMELIZED ONION 仲加入左蛋黃醬~ 每一啖成個口都充滿好複雜既味道~ 我都數唔到個飽究竟有幾多層，只係知道食左1/4個，我已經好飽了~ 今個生日，實在好滿足又好飽足呀~ 每年生日，我都係同一個願望 家人身體健康 不過今年就多一個，希望囡囡入到心儀小學啦~ FRITES Belgium on Tap 中環威靈頓街198號The Wellington 1樓 1/F, The Wellington, 198 Wellington Street, Central 電話號碼 : 2217 6671 如要聯絡本人，請電郵至： smonkichi@hotmail.com Fanpge : www.facebook.com/smonkich Instagram : https://instagram.com/smonkichi/ Blog Link : The Ztyle Beauty Qooza She.com U Beauty Beautylife Blogspot BE We Share
