假日閒來無事,都鐘意到上環一帶走走 最近就到上環的文咸東街的一間新間的白色小店~ MedOven 店子小小的,感覺似速食店~ 問過店內負責人,原來呢度係賣地中海食物的 地中海呀,感覺有點兒陌生了~! 要了兩個沙律(最安全的吧) 地中海薯仔沙律 HKD 40 有雞同素兩種, 呢款係有雞的 40蚊一兜黎講都算幾大兜呀~ 沙律的材料同醬同平時食的沙律感覺差唔多,(開頭仲驚地中海會係咩奇怪口味) 沙律除左雞同薯仔,仲有大量的青紅椒 最好係沙律食材好新鮮,咬落去的蔬菜都係爽口彈牙~ 唔係隔夜淋哂個D~ 另一款沙律更見真章 地中海芝士沙律 HKD 40 (雞/素) 呢款沙律無左之前的沙律醬,仲可清楚食到蔬菜的鮮甜味~ 只係落左OLIVE OIL, 見到沙律的色澤好鮮艷,好新鮮~ 沙律嘛,就是要食新鮮的好~ 問過店員,地中海菜的特色就係勁多蔬菜,多菜少肉,以健康清淡為主 好適合現代人追求的健康生活~ 點了餐牌上唯一的一款熱咖啡 HKD 19, 本來也沒有很大期待 不過竟然有驚喜~ 杯裝咖啡竟然還有幼滑的奶泡 而且咖啡味很香濃,奶和咖啡最得了一個平衡,以這個價錢,很超值呀~ 叫了一個 帆船素薄餅 ($72) 這個薄餅造型極之特別, 就似一隻船 (可能地中海臨海吧) 名字叫PIDEZZA 上枱前就幫我們切得細細的一條~ 這個素菜薄餅,真係很素,就係青,紅椒加橄欖~ 味道清新, 可能加左厚厚的芝士,所以感覺一D都唔齋, 亦唔DRY~ BOURY-PASTRY 又一地中海特色批 (以前都未見過喎) HKD 50 蚊有2大塊~ 今次就揀左菠菜同芝士批~ 上面一條條白色的,就係呢度既自家製乳酪啦~ 厚厚的菠菜蓉加入左芝士,被香脆的飽皮包住~ 即係我平時唔LIKE 食菠菜的,都覺得好好味喎~ 因為佢無左平時阿媽煮菠菜個種奇怪菠菜味,而且食完都無菠菜既嚡脷~ 自家製既乳酪仲可以另買 (HKD 29蚊) 一D都唔甜的~ 亦唔係好酸~就咁食就無平時個D咁好味 不過加埋落個批度,竟然有D化學化用,可以幫到個批吊味~XD 原來除左原味乳酪,呢度仲有一隻辣乳酪 (店主俾左少少我試) 望佢樣好似沙律醬咁,以為好碎料,不過, 原來真係堅辣架~ 好得意~ 另一個芝士批就無菠菜批咁好味, D芝士同平時食既好唔同, 好鬼嚡,食落好似成口粉咁~ 呢個我麻麻LIKE~ 焗免治牛肉茄子批配乳酪汁 ($55) 茄子薄片加上免治牛肉和乳酪汁,酸酸甜甜 感覺就好似我地平時食肉醬濶麵 茄子和免治牛肉竟然出奇的夾呀~ 好有中西FUSION 菜的感覺~ 囡囡就點左呢個來自土TURKEY 的橙汁~ 有少少氣, 但又無汽水咁勁~ 酸酸甜甜的, 很開胃呀~ 呢個餐廳除左食野外,仲會搞唔少聚會同活動 今日就搞左個自製地中海沙律活動啦~ 我地可以利用呢D咁新鮮的蔬果自由創作,做一個獨一無二的自家製地中海沙律~ 當然,除左菜外,仲有好多對身體有益的NUTS 可以放埋入去~ 最重要的材料,就係要加入呢D最近大熱的藜麥啦~ 而SAUCE 呢?係無預設的,全部都係由自己一人一腳去調的~XD (天呀,我係一個煮飯白痴呀~! ><) 阿囡真係好有心機,好專心咁製作佢既自家沙律~~ (專心的小女人幾吸引~XD) 反反覆覆咁加材料,試味,終於整左呢個自家製沙律啦~ 活動完結後,我地就拎住呢兜咁靚的沙律去下場啦~ 約左朋友去下一場,和朋友分甘同味,成兜清哂~ 即係話,我同阿囡囡係大成功啦~XD 下次黎開上環,不妨都黎呢度享受下地中海的味道~ MedOven 上環文咸東街60號地下A舖 Shop A, G/F, 60 Bonham Strand, Sheung Wan Facebook : https://www.facebook.com/MedOven 如要聯絡本人,請電郵至: smonkichi@hotmail.com Fanpge : www.facebook.com/smonkich Instagram : https://instagram.com/smonkichi/ Blog Link : The Ztyle Beauty Qooza She.com U Beauty Beautylife Blogspot BE We Share