最近又開始沉迷追韓劇了 睇到劇入面既女角個個個嘴都好鬼紅，但又好鬼靚，搞我都想化番個~ TONYMOLY x LABIOTTE紅酒唇彩 呢隻2015年出既紅酒唇彩, 韓劇《奶酪陷阱》的女主角金高恩在劇中都有用~ 最特別既就係佢既包裝好似一枝MINI版既紅酒咁，真係用黎做擺設都得架~ 除左外型似紅酒外，成份都真係有紅酒架~ 唇彩蘊含法國紅酒Sepivinol ™提取物，有效滋潤嘴唇，使唇部幼嫩肌膚塑造並重現細緻、水嫰、柔滑的膚質， 同時有效預防嘴唇乾燥。使用產品後讓妳的嘴唇使用產品後明顯充滿水漾光澤，帶來優雅艷麗的唇色。 成個系列有六隻色，像不同年份紅酒的顏色 今次就試下佢其中既三隻色先~ RD 01 呢隻色係成個系列入面最鮮紅既~ 搽上嘴後會發現顏色真係好SHARP~ 以前好怕用咁紅既唇紅，但睇得多韓劇後發現其實紅色都可以好自然架~ 為左突出呢個烈艷紅唇，眼部既化妝就唔好咁COLORFUL啦~ 我用淺啡色眼影，配合加長的眼線，加埋呢個紅唇，係咪好有女人味呢~XD 呢2隻色係CR 01 顏色比較柔和，有D少女的感覺，適合用作化淡妝之用~ 是日就化左個清淡少少既妝，眼線都唔太粗，配合CR 01, 令人感覺有精神之餘亦唔會太過搶眼~ 第三隻 係RD 02 佢係介乎RD 01 同CR01 中間 無RD 01 咁搶眼，亦比CR 01 濃D~ 所以是日既妝容係界乎2者之間，眼線唔太粗，但眼尾加長番少少~ RD 02的色澤亦都比較鮮明D~ 分開咁遠睇，有D難比較？不如一次過睇哂~ 明顯見到RD01 既色係比較實色，而CR 01及02就質感就薄番少少~ 但正如上面3張大圖咁，其實離遠D，三者都好自然架~ 而且搽完後既嘴唇好柔滑，好薄，讓唇妝擺脫厚厚的感覺 呢隻唇彩仲有一個好特別既地方，就係不脫色~ 當然唔會係100% 不脫色，而係無咁易甩色~ 係水喉沖完後，依然有唇色係度，要用卸妝水先抺得甩架~ 而且每枝唇彩都有甜甜的味道 RD 01 係水果味 CR 01 香味較淡 CR 02 似櫻桃味，亦是三隻中最甜的 每次我攞呢隻唇彩出黎搽，大家都好好奇，呢枝野咁得意既，咩黎架~ 成功爭取視線~ 溫馨提示 因為唇彩係水的質感，搽上後要等佢乾哂先合埋個嘴啦，唔係就會好易整花個唇彩 如果想顏色實D, 可以先搽一層，等乾後再搽第二層，顏色會更實更鮮架~~ TONYMOLY FACEBOOK https://www.facebook.com/TonyMolyHK 以上產品及資料由品牌提供 如要聯絡本人，請電郵至： smonkichi@hotmail.com Fanpge : www.facebook.com/smonkich Instagram : https://instagram.com/smonkichi/ My Blog Link : The Ztyle Beauty Qooza She.com U Beauty Beautylife Blogspot BE We Share
