旺角的鋪頭好鐘意一窩蜂 以前就一窩蜂咁左好多樓上CAFE 近年就一窩蜂咁係洗衣街，黑布街等開CAFE~ 星期日同阿囡去旺角行街街，就走左去呢度醫肚~ AMICO 1890 之前經過呢頭已經見到呢間CAFE, 門口貼住好多採訪，又有唔少名人合照 所以今次就去試一試啦~ 成間餐廳走木製的溫暖路線 牆上仲畫左唔少得意的圖案添 除左2人枱，仲有D大枱方便幾個朋友一齊開餐~ 呢度其實仲有2樓，待應哥哥見我拖住阿囡，好窩心地安排我地坐樓下 貫徹木的質感，連SALT & PEPPER 樽都係木架~ 當然，MENU 都要用木上啦，成個枮板送上黎~都幾重手~ 本黎諗住叫2個MAIN COURSE 算, 點知越叫越多 HAHA~ 呢度有SET DINNER ，包湯 or 飲品 +沙律+MAIN COURSE+甜品 ，都係$128 同$158 咋~ 是日例湯係羅宋湯 眼見湯已很足料，D蔬菜都仲係好爽，唔似煲好耐湯個隻~ 感覺湯似加入左唔少茄膏~ 同埋, 熱度差少少~ (我覺得湯要熱辣辣先好飲) 再黎就係跟餐的沙律 呢個沙律都幾大兜，無論菜同醋都好多, 以跟餐的沙律黎講係超值的~甚至有點覺得不惜工本~HAHA 未食飯，叫左個飲品先 阿囡認得OREO 呢個字，死都要叫呢個特飲~@@ 跟餐都要加25蚊架 囡~ T.T 呢個OREO 沙冰感覺又唔算好沙，只係面個層較多冰 (唔使少冰) 水個部份有D似BAILEY (當然係無酒精啦) 當然，份量都好大杯，基本上夠我同阿囡2個飲~ 阿囡要食意粉，見散叫個MENU 有個CARBONARA, 但無黑松露, 於是把心一橫叫埋就叫左個套餐啦~ 黑松露CARBONARA 一拎上黎，真心覺瀨野，好大碟呀~ 佢都係用太空碟 (中間得個窿裝野個D) ，個窿係平時食開既倍半 ~D意粉仲要壓到實，同埋勁多菇，火腿同黑松露~ 個黑松露醬加上白汁，啖啖香濃啖啖好味，D菇都煮到超滑~ 平時阿囡自己一個都食到大半，但呢碟，佢食到平頂已經飽左~HAHA 值得一提，呢度既意粉係HOME MADE的，很有嚼勁~ 打包左回家第二日食，唔會淋PAT PAT, 仲好有口感~ 是夜突然好想食漢堡飽，所以叫左個牛肉漢堡 SET DINNER 望落去真係好有份量 薯條勁粗，超飽肚，再加上有一堆沙律，食左個配菜都飽左一半~ 不過有少少失落係，點解成塊車打芝士咁完整係度，唔係半溶既？ 飽頂真係超大舊~仲好鬆軟，不過略嫌個底唔夠脆香 見到塊扒有少少薄，唔係想像中勁厚個D 牛肉漢堡，九成熟度，所以唔會好嚡，不過略嫌唔夠JUICY~ 成個飽中特別係個醬，辣辣地，待應話係墨西哥醬 因為無預計佢有少辣，阿囡食唔到添~ 雞翼都一樣，叫左水牛城雞翼，一時醒唔起佢係辣 結果又得我食~@@ 其實雞翼做得幾好，外表好脆口，個汁少少辣，幾醒胃~ 本黎個餐係跟YOGURT 雪糕，不過我太飽，所以只叫一個 待應哥哥又好好人 (可能見阿囡好多辣野唔食得) 特別加料整左呢個YOGURT 雪糕 + WAFFLES 個YOGURT 雪糕真係好特別，乳酪味超香濃，似GELATO , 有咬口添~ 問過待應哥哥，佢話係人地鋪頭HOME MADE 的，真係好特別, 一食難忘~ WAFFLES 唔係脆個種，係煙韌的質感，加上雪糕，朱古力醬一齊食，好索味~仲好飽肚~ 呢度既待應真係好細心，同阿囡出街食飯，我通常都會叫人攞飲筒，因為小朋友好難拎起成隻杯飲 呢度既待應哥哥我都未開聲，已主動拎左俾我 食甜品前又會幫我地清哂枱面D野， 又會自動拎過2杯清水俾我地~ 就連等位區都放左好多櫈仔俾人坐~ 雖然看似是好細微的野，不過作為顧客，真係會記在心 後話：如果MENU 上加番幾隻椒仔示意辣辣就好啦~ Amico 1890 旺角洗衣街24號地舖 如要聯絡本人，請電郵至： smonkichi@hotmail.com Fanpge : www.facebook.com/smonkich Instagram : https://instagram.com/smonkichi/ My Blog Link : The Ztyle Beauty Qooza She.com U Beauty Beautylife Blogspot BE We Share
