老公放假，兩口子又四圍去食 今次去左大坑食印度野~ 點解揀呢間，因為佢既裝修囉~HAHA 離遠望入去，好似賣印度飾物既鋪頭，好鬼COLORFUL, 心情都靚Ｄ 不過其實呢度好細架咋，都唔知有冇20個位 當日有班女人食飯，己經佔左大半個場, 仲當正自己包場咁~ 阿太們，雖然你地成身品牌，鑽戒好閃，不過你地既行為真係有Ｄ失禮囉.... 食完餐飯，我個頭俾你地把聲轟到暈暈地囉~@@ 講番間餐廳，價錢都係平常價 AROUND 80蚊至100蚊度一個餸 菜式同平時的印度餐差唔多 不過多左幾款西野，好似水牛雞翼，白酒煮蜆等 餐具都係好傳統的印式，不過最得意係將胡椒餅變成一個雪糕筒咁 少少創意就有大大驚喜。 呢度的印度醬汁有四隻口味，暫時係我食過咁多間印度餐廳中四款都啱我口味的 紅色的辣椒真係有少少辣 而黃色同綠色的都係有少少辣味的薄荷醬, 濃淡各一，但都好啱口味 而黑色既，就係甜甜的燒汁咁，我老公最鐘意食~HAHA 而燒汁配呢個羊肉餃就PERFECT了~ 呢隻羊肉餃其實都24蚊,一隻，不過成個拳頭咁大 皮就唔算脆，羊肉味都好勁，仲有勁多青豆係入面~ 就咁食其實麻麻地，配上左個燒汁就完全唔同了，味道改變左好多~ 即係好味左好多~HAHA 呢個就係牛油白酒煮蜆 好西式的做法，牛油起鑊，加洋蔥辣椒，湯底很濃郁，有少少辣味，減少了牛油的膩 不過蜆係先煮熟再加湯，有少少湯肉分離。個蜆無咩味。 孟買咖喱雞 第一次食呢隻咖喱，係以蕃茄為基調的咖喱 感覺甜甜，稍辣，很醒胃的咖喱 不過雞肉過嚡，而且亦無咩特別先醃過~ 辛辣咖喱羊 之前食的咖喱都唔算辣，今次要食個勁辣的 呢個咖喱食第一啖個時就唔覺有咩 點知越食越辣，佢D辣係慢慢滲出黎，仲會停留係口腔久久不散。越食越辣，越食越過癮 再黎呢個芝士薯仔波 開頭以為是炸薯仔波加D芝士，點知原來係一粒薯仔大波，加左一D芝士汁 不過呢.....真係唔識欣賞 個芝士汁係印度甜品為基調，甜甜地咁，不過我唔係咁鐘意食印式甜品的味道 真係接受唔到~@@ 呢度的薄脆好軟身，但質地少干，唔太油用用黎加埋咖喱食就好夾 而且廿幾蚊有3塊，抵食呀~ 呢度既咖喱全部都有火熱住食，冬天食都唔怕會食到凍啦~ 同埋，咖喱真係要熱先好 所以，加分加分~ Chor Bazare Indian Cuisine 大坑新村街14號地下 TEL : 2267 9100 / 2267 9166 如要聯絡本人，請電郵至： smonkichi@hotmail.com Fanpge : www.facebook.com/smonkich Instagram : https://instagram.com/smonkichi/ My Blog Link : The XXXXX Beauty Qooza She.com U Beauty Beautylife Blogspot BE We Share
