MONSTER SUSHI 係朗豪坊開幕時 我都曾經係佢既FANS 最愛佢的獨特的調味，好有畫龍點睛的效果 令到食壽司唔再獨沽一味的豉油味~ 不過呢，見到個條長長的人龍已經卻步，都好耐無幫襯了~ 最近，MONSTER SUSHI 選址係利舞台16/F 開分店 超開心，因為呢度無咩人HAHA~ 呢度既地方比朗豪坊闊好多 除左有一條長長既吧枱，可以邊望住師傳出品邊食野外 仲有一D半圓的卡座。(仲有3張好隱蔽的日式卡座添)~ 成個場都偏暗，懶有情調個種~XD 呢度既壽司由最平12蚊起，但多數都係廿幾至三十幾蚊。 呢度其實都係偏向高檔少少~價錢比平時貴幾蚊~ 除左傳統刺身壽司外，當然仲有D自家創的日式美食啦~ 成盤既刺身都唔使200蚊，尼個又幾抵食喎~ 仲有季節情限時添~ 呢度點菜都係入ORDER 紙，好似食日式BUFFET 咁 食日本野當然唔少得有清酒啦~最得意係有隻牛乳酒，除左原味，仲有抺茶同朱古力味 雖然好似同壽司唔係好夾，不過都幾得意，有機會要試下~ 呢度既WASABI 係開粉既，不過入口無好人工既嗆味，算唔錯~ 主角上埸啦 話明係富貴盛宴，當然要好野啦 一黎就食個吞拿魚腩海膽先 海膽的味好濃，有少少搶左吞拿魚的味 不過兩者加埋的口感都係綿綿地，有少少漿口，幾得意~ 再黎，就係黑醋芥茉籽鵝肝和牛卷~ 聽個名都覺得勁呀~ 和牛唔太油，唔會膩，鵝肝味好重，有少少搶客為主，其實都無話邊個係主~ 加埋黑醋將味道提升。反而個芥末籽唔知咩黎，食左都無咩印象~XD 去親食日本野，我都要食腐皮，唔好以為腐皮好CHEAP ，我都真係好少食到一舊叫好味的腐皮壽司 呢度的腐皮壽司好有心思，整到成條魚咁 (MENU 張相有眼架，呢度無左既~><) 阿囡見到實鐘意 不過可惜係腐皮壽司入面無加入少少酸姜，令到成舊腐皮壽司味道無層次，無變化~ 另外個舊叫白吞拿魚，未食過，第一次食 肉質有咬口，加埋魚上的醃製過的洋蔥，好新鮮的配搭呀~ 黎MONSTER SUSHI ，我又點會淨食刺生呀 點都要試D新野~ 呢個賣相超靚的香草汁三文魚刺身，真係上枱已興奮~ 佢係混合左意大利沙律的做法，用OLIVE OIL 混合香草整成個汁，配埋三文魚刺身一齊食 當然，食個時要加埋中間的洋蒽，青瓜絲 (我估) 一齊食，估唔到味道好夾喎~ 不過個汁底終於是油黎，有少少膩。如果多加少少香草令到個汁既味道更FRESH就更好~ 三文魚未夠富貴嗎？咁鮑魚呢？ 磯煮鮑魚 呢個鮑魚用新鮮九孔鮑用汁煮到超入味 而且口感爽口彈身，一D都唔韌 ' 師傳仲好細心咁將佢切片架，睇到D鮑片真係入哂味 最驚喜係 56蚊有2隻鮑魚，超值到極點呀 十個必食推介~ 食完飽魚，富貴當然繼續黎 今次輪到 軟殼蟹忌廉芝士鵝肝卷 又係鵝肝呀XD 不過今次呢個似鵝肝醬個隻，一片片無煎的~ 特別一讚個芝麻超香，令到成個飯卷更吸引 係個軟殼蟹唔夠脆有少少失色 (定我放耐左變淋左?) 蒜香厚燒牛舌 再黎呢個係牛脷，但同我諗個D好唔同，佢係淋PAT PAT既，好似食緊淋個隻牛肉乾 無可否認佢係好入味，但我自己唔係太鐘意呢隻感覺~都係爽既牛脷啱嘴型D~ 呢個係我必食推介呀，黑豚肉 其實，佢係半肥瘦的黑豚肉，但面有一層好脆卜卜的外衣包住 再點埋特製的味粉，係我到MOSTER SUSHI 的必食菜呀~ (第度無得食架) 其實我好都好怕食肥豬肉，但呢個係令我會成舊肥肉食落肚的菜~ 和風四式海鮮卷 MONSTER SUSHI的卷物特多，每款都好有特色 呢個海鮮卷的靈魂在於個PAT黃色的醬度，微辣少甜，唔使再沾豉油咁悶啦~ 食飽飽當然要個甜品總結， 作為綠茶控既我揀左木糠綠茶奶凍豆腐雪糕 不過就有少少失望，綠茶奶凍太奶，無左綠茶特有個種苦澀味 我覺得呢個甜品啱小朋友食多D~ 不過我老公好鬼鐘意~@@ 是晚都叫左個紅石榴黑醋梳打 呢個飲品簡直係美容聖品，紅石榴抗氧超強，黑醋除左對皮膚好， 仲可軟化血管、降低膽固醇，高血壓 而且仲有消滯開胃的功效 所以上面咁多都係由我同老公2個人KO哂，因為太開胃啦~XD 今晚實在太富貴，太滿足啦~ 多謝老公呀~ 如要聯絡本人，請電郵至： smonkichi@hotmail.com Fanpge : www.facebook.com/smonkich Instagram : https://instagram.com/smonkichi/ My Blog Link : The Ztyle Beauty Qooza She.com U Beauty Beautylife Blogspot BE We Share
