位於麼地道著名京菜同一幢 話實話，見到咁既面門真係未必敢入 好彩今次有老公同行，門口個印度叔叔又鬼咁熱情~ 死就死啦~ 推開門見到條樓梯個心即刻定哂~ 正常番好多~ 落到去地庫的餐廳，有驚喜呀~ 本黎諗住同老公求其食餐，家下變左FINE DINNER 咁添~ 即刻浪漫左~ 呢度的印餐野都幾大路，價錢都係平時食平咁上下的大路價錢~ 第一道，當然是免費的胡椒餅 餅有好香胡椒味，不過食落就唔太重胡椒~ 較新奇的有酸蕎頭咁既蔥頭 (用黎清下味蕾一流) 薄荷醬反而唔太薄荷，無個種FRESH 味 另一個其實我到依家都唔知係叫咩醬，但好多家印度餐廳都有 當然，每一家都有D分別，呢家的咸味偏重 不過無論那一家，都唔係咁啱我口味~XD 本黎叫羊肉餃，無哂，改左雜菜餃，我自己其實幾驚食印度雜菜餃，因為好多薯仔，又大隻，我食一隻都飽左一半～＠＠ 一出枱見到個賣相好似好實咁～ 點知食落個皮又好鬆化喎～ 佢既薯蓉入面有好多香料，而且幾有咬口，唔係一ＰＡＴ ＰＡＴ咁 無左平時個種飽滯感～ 個醬好似平時的甜酸醬，沾少少，整個餃子的味道又有Ｄ唔同，幾得意～ Ｌassi OK，唔算有大驚喜 (一定要趁凍飲，暖左個口感太奇怪了) 順帶一提，呢度無水供應，得要俾錢既樽裝水~ @@ 姜汁燒羊仔扒 每次食印野必叫~係我至愛的印度餐選擇~ 一上枱個陣香味，真係九里外都流口水呀~ 今次呢個羊仔扒亦無令我失望 雖然，每次我都唔係好食到姜汁味，都唔明點解間間都叫姜汁羊仔扒 ANYWAY~ 今次呢個羊仔扒依然無得輸~ 除左一貫的鐵板香同香料外，最鐘意佢無醃到D羊仔扒過霉，仲KEEP到羊既質感同味道 而且雖然係全熟羊扒 (九成度啦) 但一D都無嚡，肉感仲好保持到~ 讚~ 呢個連老公都大讚呀~ Chicken Tikka Masala 瑪沙拉香燒雞柳 最唔明係每一間餐廳都會推介MASALA 俾我 最最唔明係其實我唔係好鐘意 MASALA , 因為唔夠辣 最最最唔明係每一次，佢都會出現係我既枱上~ @@ 雖然，今次既MASALA 做得唔錯， 有新鮮蕃茄加落去, 食到個汁好FRESH ~ 唔會好似平時CURRY咁溜~ 雞肉其實唔太入味，應該係燒完再加番D汁~ 不過難得雞肉無咩雪味 (近年怕出街食雞的原因) 今次唯一的新野，印式咸煎餅 (左) 不過感覺麻麻，無咩特別，又實 牛油NAAN 軟身好多，係多左少少油囉~ 是晚見到有成團印度人黎用餐，唔知係咪旅行團 不過佢地係食BUFFET 形式~ 見佢地都食得幾開心，我做呢度既菜應該都真係幾正宗~ 另外有一枱是內地旅客 想講既係~ 成團印度人都無個枱內地旅客咁嘈囉~ 正宗印度餐廳 Surya Restaurant 尖沙咀麼地道48號麗東大廈地庫 tel :2366-9902/2311-5961 如要聯絡本人，請電郵至： smonkichi@hotmail.com Fanpge : www.facebook.com/smonkich Instagram : https://instagram.com/smonkichi/ My Blog Link : The Ztyle Beauty Qooza She.com U Beauty Beautylife Blogspot BE We Share
