放暑假，當然要搵地方去 今次就同同學仔去左大埔的鐵路博物館 呢度有幾架唔同年代的舊火車卡，仲可以上去車卡上玩， 俾小朋友睇下唔同年代的火車同依家既電氣化好唔同架~ 呢度影相真係一流，淨係條路軌都可以無限影啦~ 以後唔使咁遠去台灣青桐啦~XD 香港鐵路博物館 地址：香港大埔大埔墟崇德街13號 (由太和火車站出較近) website : http://www.heritagemuseum.gov.hk/zh_TW/web/hm/museums/railway.html 影完玩完就梗係搵野食啦~ 其實呢頭真係唔熟路，亂打亂撞下搵到呢間 OPPA KOREAN RESTAURANT 我之前都去過旺角個間架啦 因為早入座有8折，好抵呀，就呢間啦~ 因為我地好早去，佢地都未開門，要企係門口等一陣 2個小朋友好似係度等車咁~HAHA 呢間大埔店比旺角個間大好多呀~ 牆上畫左好多得意卡通圖案，小朋友見到好興奮呀~ 因為我地五點半就入座，差唔多係最早個枱~ 所以成場都無咩人 開頭諗，呢度係住宅黎，離火車站又有D少遠，咁大個地方有冇人黎架~ 點知食食下向後望，嘩，幾時坐滿哂人架~@@ 門口仲企滿哂等位既人添~ 睇黎，呢間野係大埔區都好受歡迎咁喎~ 一條條吊落黎既煙通SUPPOSE 係可以拉到好低去吸油煙 不過大家都唔鐘意拉到咁低，所以變左走個時都有少少油煙味 店員其實可以同D顧客介絡下個煙囪可以拉到落黎，貼近D個鐵板的~ 一入黎，張枱已經SET好哂啦~ 有前菜：泡菜，海帶，芽菜，同埋包肉食既生菜，全部都可以REFILL的~ 我個囡，平時唔食菜，唔知做乜鬼咁鐘意食呢隻海帶，佢食左人地兩碗~@@ 個鐵板邊蒸蛋，會加入泡蛋料入去煮，落個時待應妹妹其實都有建議我地有小朋友，不如一半半啦 等小朋友可以食唔辣個邊 不過點知佢用蛋漿沖落去時，D泡菜料就四散。最後，只得一隻角隻係唔辣可以俾小朋友食 所以如果帶小朋友黎，不如叫佢唔好落泡菜，或落1/3算啦~ 呢度既醬汁同旺角一樣，有韓式辣醬（唔係好辣）醬油（少少甜），粗鹽，同蒜片，辣椒。 我最鐘意食佢既粗鹽，好有礦物質味~HAHA 平時呢個3角型的鐵角係用黎放燒好左又未食既燒肉既 今次，仲可以用黎煮牛油粟米，幾有諗頭，D粟米加牛油熱過，勁香，小朋友超愛食, 3個小朋友，食左2碗粟米~@@ 不過佢跟黎既牛油我覺得太多，所以第2碗叫佢落少D~ 或者落單時同佢講少D, 唔好浪費左D牛油嘛~ 尼度既燒物大致都係分為牛，豬，海鮮 再加上D韓式料理 因為朋友唔食牛，我又好鐘意食 所以叫左一款 牛肋骨~ 鐘意食牛肋骨係因為近骨的地方通常都較滑，而且牛肋骨薄薄一片，阿囡易食嘛~ 不過最尾個舊肥膏就完全食唔到~ 我覺得牛肋骨沾鹽係最可以提鮮的~ 其實每塊肉加上蒜片，辣椒同一大塊菜包住食，都幾健康架~XD 尼舊牛肋骨肉質都幾淋，因為已醃過，所以本身都已經好夠味，唔使沾太多醬汁 朋友唔食牛，所以叫左個豬拼盤 最好食，當然都係五花腩，肥瘦夾住，有油香又有肉味 第一次食豬排骨，感覺同五花腩差唔多，但無啦啦多左舊骨，有D難剪開 豬頸肉都唔錯，薄薄地，好易燒亦都好淋 呢件豬西冷係成盤的精華 好淋的肉質 (係淋，唔係霉呀) ，肉感幼滑唔嚡，小朋友都好易食 佢無醃太多醬料，仲食到原先的豬肉味~ 推介下呢隻韓國飲品 平時我唔鐘意飲提子汁，覺得好藥水味 呢隻青提子清清地，好FRESH, 好啱食燒食可以沖淡個陣熱氣 而且入面仲有D好似啫喱咁既粒粒，感覺真係好似食緊青提子呀~ 有機會，一定要試下呀~ 呢度既待應都好好人，有求必應 我地小朋友多，又倒瀉野，又叫呢樣，又要個樣，淨係碗，筷子都要左幾次 不過佢地既態度依然保持，無黑面之餘，仲會同我地既小朋友傾計，真係十萬個感激 其實我都明白帶埋小朋友去食飯真係好煩，好多野我都控制唔到 所以遇到無黑面的店員都已經好感恩架~如果仲有心情同佢地玩既，真係服務100分啦~ ^^ 唯一缺點係食完個韓燒好口渴，回家狂飲水~ OPPA KOREAN RESTAURANT 地址：大埔舊墟直街4-20號美新大廈地下B2舖 如要聯絡本人，請電郵至： smonkichi@hotmail.com Fanpge : www.facebook.com/smonkich Instagram : https://instagram.com/smonkichi/ Blog Link : The Ztyle Beauty Qooza She.com U Beauty Beautylife Blogspot BE We Share
