中環扶手電梯的舊樓原來開左唔少食肆 區外人真係唔會識得去 要個頭返工既朋友帶路~ 係正蘭芳園對面，7 仔上面既舊樓 老實講，門口就認真麻麻，仲要上幾級樓梯添~ 上到去又係另一回事 NOBLE SPICE 一入門口 嘩～好有情調呀 (但當日既組合係2女1男，啋~) 除左整個環境佈置浪漫外，佢既小細節都好值得欣賞~ 一入門口就見到呢個輪盤香料盤 擺明話你知呢度係食乜啦~ 到處都有很濃厚的異國風情~ 魔鏡魔鏡，我係咪最靚 (廁所中~XD) 就連放醬料既器皿都係有設計架~ 呢3款汁呢我最愛薄荷汁，真係好有REFRESH 的感覺 紅色辣椒汁就一D都唔辣，我麻麻LIKE 黑色有果皮的，其實我到依家都唔知佢叫咩醬同配埋最好食~XD 不過佢係香料味最濃烈同最有味道的醬~ 免費的胡椒餅，同時都係我既至愛~ 香濃的胡椒味配上脆脆的口感 個種辛辣感徐徐而黎~ 我地食左人地2碟~XD 老闆娘新嘗試~豬肉餃 (正常係唔會出現係呢D餐廳) 餃皮好煙韌, 滑得黎又有彈性, 朋友2日後仲念念不忘~~XD 個餡好大舊豬肉，同中式餃子既餡差唔多~肉團幾JUICE, 唔會干爭爭~ 我自己就鐘意多菜D~因為食左2隻，我已經有飽滯感~@@ 食呢D餃我一定要辣醬，不過呢D印度辣醬既辣度太輕微了~ 薑汁燒羊仔扒 印度野食鐵板好開心，因為個陣香味，未食D口水已經流緊出黎~ 呢個羊仔扒都唔例外，十丈遠已經聞到D香味~ 羊仔扒真係份量十足，大大舊肉無欺場~ 肉質同我地平時既羊扒有D唔同，偏似瘦肉個隻~(因為用香草醃製過) 其實我唔係好食到薑汁，反而食到好多唔同既香料味~ 朋友大讚，羊膻味唔太濃烈，啱佢 我自己反而覺得羊味唔夠 (真係各有各口味) 之前係其他餐廳食過呢D卷狀的物體，驚左~ 估唔到朋友又再叫~ (吼) 不過好彩今次係 串燒鮮菜卷 即刻唔同哂~ 個卷面係脆脆的~ 入面混有雜菜，薯仔等~ 香口又惹味~ 因為有薯仔，仲頂得下肚添~ 估唔到將D肉換成菜後竟然有咁大分別 呢個真係正好多呀~(不過我好似第一次見有得食咋~) 瑪沙拉香燒雞柳 同行女友人唔係好食得辣 所以叫左瑪沙拉~ 雖然我麻麻鐘意食瑪沙拉，覺得大甜唔夠辣 不過呢D瑪沙拉雞柳感覺幾好 甜得黎都食到少少辣味，唔會太膩 雞柳燒得好香，亦很滑~~ 當然，食瑪沙拉，當然要有NAAN, 呢度既NAAN係面軟底脆款 中間夾有你揀的餡 我地揀左芝士同蒜味 淨食NAAN都幾好味，軟軟地又少少咸咸地 如果加左瑪沙拉，就蓋過左佢本身的味道~ 不過今日師傳心情麻麻，個餅底好黑下~ 仲有少少燶味~ 可能師傳星期五掛住收工去玩~XD 食印度野我一定飲咸 LASSI ~ 不過呢杯LASSI的乳酸味唔太突出同太稀，所以令到咸味好搶~ 是晚每人食左百幾蚊，堅飽 係中環呢個價錢又要呢個環境，真係唔係度度有 下次糧尾要同女朋友DINNER, 不妨諗下呢度~XD 其實為乜去到咁遠食飯，咪就係話要去呢度行個圈囉~ 荔園 其實，我對荔園的記憶是 1 蚊拍賣 1 蚊起價， 咩都有得賣，電視機，洗衣機，你諗到既都有 仲有一枝搖搖魔術棍，有條魚絲連住，扮空中控制枝棍 有冇人記得呀~HAHA 當晚，我地真係入去行左個圈就走啦~零消費~XD Noble Spice 7/F, Cheung Hing Commercial Bldg, 37 -43 Cochrane Street, Central 中環閣麟街37-43號祥興商業大廈7樓 TEL : 2854 0916 如要聯絡本人，請電郵至： smonkichi@hotmail.com Fanpge : www.facebook.com/smonkich Instagram : https://instagram.com/smonkichi/ My Blog Link : The Ztyle Beauty Qooza She.com U Beauty Beautylife Blogspot BE We Share
