星期六約左囡囡的契媽食飯 契媽大住肚，唔方便去咁遠，當然我地移船就磡啦，入左去荃灣搵食。 點知荃灣街市周圍全部都係茶記~@@ 行後一條街，見到有人龍~ 即刻去目及目及先~ 價錢還可以，食物都幾吸引，就呢間啦~ Vision 8 鋪仔細細，不過好彩等左3個字就有位~ 入到去，枱與枱之間都幾迫架。不過D枱又幾大張囉~(有D矛盾 HAHA) 呢度既裝修同設計都係的的骰骰的西餐廳仔 價錢都係百幾蚊既西餐價錢~ PIZZA 就百多D蚊個 不過LUNCH時間，當然叫LUNCH SET 抵啦~XD 小食叫左個焗薯皮 (好耐無食啦，以前去酒吧成日食架~) 同西班牙風乾火腿薄餅~ 囡囡話要食豬扒，於是叫左個LUNCH SET 保雲蘇豬扒配紅酒汁 LUNCH SET 包一個湯或者沙律同一杯食品 特飲要加15蚊架~ 不過，是，我係有加的，因為阿囡生飛滋，想飲D凍凍野囉~ >< 所以第一個上枱既就是個荔枝梳打啦~ 望落真係好冰涼架~XD 不過D糖水係底溶唔得哂~HAHA 咁都好，可以唔使咁甜~ 叫左一個LUNCH SET , 點解有湯又有沙律？ 陣間話你知~ 當日既餐湯係薯仔湯，幾濃郁幼滑，唔似一般交行貨的餐湯~ 青沙律配意式油醋汁，其實就係我地平時食既沙律菜，亦是我最鐘意食既沙律 (呢度既沙律散叫都唔平呀~) 雖然無太大驚喜，不過比預期中大碟啦~ 我至愛既焗煙肉焗薯皮黎啦~ 個賣相好靚呀，一D都唔似平時食開既薯皮 上面有好多煙肉同洋蔥，不過好似無焗過咁~ 咁都好，無左平時食開既熱氣感，仲多左份清新添~ 最欣賞係連墊底都用貴價沙律菜 (唔係CHEAP CHEAP生菜 XD) 唯一缺點係D肉無痴得好實，食個時會好易散開哂囉~XD 再黎就係阿囡既保雲蘇豬扒配紅酒汁 呢個豬扒面上灑滿哂干蒜頭，好野味，個豬扒D肉都幾實淨， 又唔韌，好有質感，唔係拿到梅哂個D~ 個紅酒汁呢，其實唔係好覺係紅酒黎，阿囡都食到~ 不過配菜份量好似太少了~ 再上黎 西班牙風乾火腿薄餅 呢度既薄餅係即叫即整，仲可以外賣~ 不過要等20分鐘架，趕時間就唔好叫啦~ 一上枱，淨睇賣相已經WIN左~XD 雖然話其實都係火腿，但放到咁靚咁有心思，真係抵讚~ 呢D咪就係食物既藝術囉~ 呢個薄餅係正宗意大利餅底，我最LIKE，好過食成舊粉頭 (家下勞動工人咩) 不過呢，當日師傳重手左少少，個底有D 硬左~@@ 火腿呢，我就唔識食係咪來自西班牙，但佢既咸香有回甘，唔似CHEAP野~HAHA 點解又有湯又有沙律 咪就是個衰女囉~ 生飛滋咩都食唔到 個豬扒叫左又唔食，最後要另外叫多個LUNCH SET俾佢 ２大１細最後叫３個 MAIN COURSE 同一個小食～＠＠ 飽C左~ 呢個係什椒煙肉茄醬意粉 ORDER 時已叫少醬，不過上到枱D醬好似都無少到~ 好彩係雖然多醬，但味道唔太濃，飛滋囡都食到津津有味 D蜆肉好多同好大隻，不過應該係雪藏野，味道無乜 幾欣賞佢既茄醬，唔似平時食開既茄汁醬，似媽媽屋企用蕃茄整的醬咁 如果你鐘意食化學茄汁醬，可能未必習慣呢D天然原味~ 呢餐飯，因為麻煩的飛滋囡，我地由中午一點半食到三點半~HAHA 由人頭湧湧食到走剩2枱人 但呢度好好人既係，就算FULL HOUSE 都無限時趕我地走， 就算伙計要食LUNCH都由我地慢慢坐 雖然食左四百蚊，不過真心覺得抵~ 錢，唔係唔使，但要洗得開心嘛~ Vision 8 荃灣兆和街34號榮安樓地舖 後話 出開荃灣，經網友提供去荃灣街市搵人整遮 搵唔到，去左路德圍個邊 3把遮，都係斷左條骨OR甩左個窩釘 但要整100大元~ 仲要個阿叔串串貢咁~ >< 俾錢個下，其實有D唔順氣，不過再搭車去深水埗又唔化算~ 下次，我一定去深水埗，唔會再幫襯佢~哼~ 如要聯絡本人，請電郵至： smonkichi@hotmail.com Fanpge : www.facebook.com/smonkich Instagram : https://instagram.com/smonkichi/ My Blog Link : The Ztyle Beauty Qooza She.com U Beauty Beautylife Blogspot BE We Share
