Back to Sixteen, 係咪好吸引呢？ 現實要回到16歲又係難D, 不過靠一D 小技巧又是的確可以幫你做番個童顏美魔女 Back to Sixteen BB Cushion BB CUSHION 加入左韓國鬱陵島1500 米以下海洋深層水, 具低溫、穩定、無菌無雜質、純淨之特質, 而且海洋深層水蘊含90 餘種無機鹽以及礦物質，能深層活化肌膚細胞、抗衰老、抗氧化、 激活膠原蛋白増生、美白，全面呵護肌膚。 最重要係海洋水分子團與人體內水分、血液的分子極其相近，具有高度的親膚性~ 令BB Cushion 質感更水潤幼滑，妝容持久貼服 當然，最重要係加入左 SPF 50 PA+++, 夠哂保護啦~ BB CUSHION 內和其他BB CUSHION一樣有一個粉樸，一個可打開的膠蓋 睇哂個盒，都無寫色調，應該是得一個色揀。 扯開呢塊紙，就可以見到BB CUSHION的真身 啦~ (通常我都會保留呢塊膠紙，因為佢可以幫助防止BB CUSHION 內的水份蒸發) 雖然望落去BB CREAM 的顏色好似好深色，不過搽上手又唔係咁樣喎~ 係唔同的光線下，發現搽上手的BB CREAM 是屬於自然偏白~ 將佢推開後會發現好透薄，青筋都隱約見到~ 不如黎個化妝前後啦~XD (好嚇人XD ) 左面係搽左 BB CREAM ，面色好均勻，眼底的黑眼圈都遮得唔錯。 成塊面變滑哂，黃面婆變左白滑少女了～HEHE 而且感覺到佢既水潤度真係好高，搽個時FEEL到好濕潤，而且貼服度極高 唯一係。。。。覺得有少許偏白～ 太恐怖，快D睇下面張相啦~HAHA 話咁快，成塊面搽完啦~ 係咪即刻變靚？得左~ 皮膚變得光滑亮麗，真係16歲個陣都無滑呀~ 面上的色斑，暗瘡印，毛孔基本上都遮左八成。但有D眼角的深斑仲隱約見到少少 不過，呢D叫自然啦~XD 成個底妝感覺唔太粉樣，亦唔會太厚~ 同埋左邊面搽左一段時間，D色調都無咁白，慢慢轉番較自然的膚色 BB CUSHION內添加了透明質酸、蘆薈、蜂膠、橄欖油、熊果素、腺苷、琥珀粉、珍珠粉及紅寶石粉， 確保妝容充滿光澤的同時，全天候有著護膚功效。 外面變靚之餘，其實都幫緊皮膚變靚架~ 只要畫番D眼耳口鼻，著番件數字T , 凍齡美魔女仲唔係我~XD 終極測試，係烈日當空下行左半日市集~ @@ 人都暈都啦，何況個妝 係完全無補妝既情況下，個底妝甩得九彩了XD 不過，最好係甩得黎唔會係打摺位出現積粉，亦都唔會溶到見到一舊舊粉 遠睇，其實都唔太覺，好啱我呢Ｄ懶補妝，一妝到尾既懶人～ＸＤ 電視有教，化完妝，落妝 係時候回家要落妝了~ 今次我就用BACK TO SIXTEEN 既 木瓜酵素卸妝潔顏泡泡油 睇呢個名我以為，佢係泡泡黎~ 但又係油喎，咁即係點？ 平時徹底卸除妝容，我會先用卸妝油，再用洗面泡清洗，確保所有污垢及油份完全卸除~ 但咁樣雙重洗面法，唔簡止費時，而且容易令皮膚乾燥，減弱皮膚天然防禦力~ Back to Sixteen就推出木瓜酵素卸妝潔顏泡泡油，嶄新油變泡泡技術，將卸妝油與洗面泡結合於一身， 只需一個步驟，便能徹底清除皮膚及毛孔內的殘餘化妝品，同時去除老化角質及皮脂污垢。 眼見產品係成枝油咁架~ 佢寫住係叫OIL GEL, 但又會變泡，咁即係點呢？ 白痴的我開頭以為佢望落係油，唧出黎會變泡~ 點知，佢唧出黎都係..........油黎架~HAHA 只要將佢加水，就會變成泡泡（留意番，平時既卸妝油係會乳化，變成白色既水架） 產品含有木瓜酵素，係木瓜中的一種蛋白質分解酵素，能天然的促進肌膚代謝， 幫助溶解毛孔中堆積的皮脂及老化角質， 而且仲含有多種天然植物提取物： 歐錦葵提取物，一種歐洲及北美洲的花卉，長時間保濕；同時活化細胞、增強彈性及延緩衰老。 羽衣草提取物，多生於高山草原，預防、阻隔色素色斑形成，更淡斑，美白同時抗衰老。 你會問，又木瓜，又酵素，又油，個味道會唔會好甜，或者好奇怪好臭 其實係，佢係好天然好香的薰衣草味呀，因為佢都加入左薰衣草油係入面呀~ 薰衣草具有極佳的修復功效，快速淡化痘印、抑制痘痘細菌，仲有美白，收毛孔同促進皮膚細胞生長的功效架~ (我屋企就真係長期點薰衣草油，有咩撞親，整親都係搽薰衣草油架) 至於呢個泡泡油正確的使用步驟係點呢？ 因為係油性，所以要干手干面，將D油搽係面按摩，等Ｄ彩妝，污垢溶解 見唔見到我D 眼妝溶到變左熊貓了~HAHA 之後就加少少水等佢變成泡泡後再按多幾次，用水沖洗後，咩彩都甩哂啦～ 塊面變得好清爽，唔會有油膩感 就算係落眼妝都唔會有油眼，矇眼的情況出現 （你見我變左熊貓眼都仲可以睜大黎影相就知啦～） 只要一個步驟，底妝，同所有污垢，連最難卸既眼妝都洗干洗淨。 真係超級方便又好用～ Back to Sixteen的產品，雖然只係百幾蚊的貨仔，但質量比起好多大牌一D都唔輸蝕 而且，我真係好鐘意佢個名呀~HAHA 關於BACK TO SIXTEEN 的小資料 韓國頂級皮膚科醫院院長推薦 李周赫醫生是韓國著名「KIES‧U 醫學美容及皮膚科醫院」院長。 李院長累積多年來的經驗，發現無論任何年齡的女士都希望回到16歲時的年輕嫩肌。因此李周赫院長誠意推薦 Back to Sixteen，以天然健康食材為主要成分，為肌膚注入最天然的護膚營養，無論妳是26、36、46歲，都能重拾青春嫩肌。 Back to Sixteen帶你回到16，讓妳的肌膚時刻散發16歲年輕少女活力。 想知多D品牌既資料，可以瀏覽以下的網址 Website: http://www.drleekorea.com Facebook: https://www.facebook.com/KoreaDrLee 銷售地點：屈臣氏獨家發售 如要聯絡本人，請電郵至： smonkichi@hotmail.com Fanpge : www.facebook.com/smonkich Instagram : https://instagram.com/smonkichi/ My Blog Link : The Ztyle Beauty Qooza She.com U Beauty Beautylife Blogspot BE We Share 以上產品由PR 提供
