近年很流行單幢式樓上食肆 就是將整幢舊廈番新後變成食肆 好處是較集中，容易吸引消費者 而且樓上鋪的地方亦較大，租金亦較便宜 而且因為翻新工程，大廈內，外的裝修亦有體面，較吸引人~ 今次，我就走進女人街內既其中一間~ 築地番本日式放題 Tsukiji Banmoto Japanese All You Can Eat Restaurant 女人街兩旁都開有不少日式食肆 但老實說，因為環境實在太迫, 而且感覺好黑媽媽，又污糟咁 所以我都有成十年以上未去幫襯過~ 今次呢間築地番本日式放題就是新開業無耐，而且仲係翻新大廈內。 所以一入去就覺得環境俾樓下個D好好多 唔單止地方寬落。唔使同人背靠背 地方又光淨企理。真係食都食得安心D呀~ 呢D既食物同平時既放題差唔多，而且仲有最近行流行的升級體驗。 不過呢度既升級體驗就比較好，可分開體驗 平D，又唔使夾硬要埋D唔食既野~所以佢既升級體驗價都係廿三十蚊度~ 飲品當然任飲，不過無乜特別~~是日有老有嫩，無叫清酒飲。 LIKE 佢FACEBOOK 有赤蝦送，而且質素 OK~ 餐牌上既選擇同平時差唔多 不過選擇幾吸引~ 燒物有D平時少見既豬大腸，劍魚乾 湯有人蔘雞湯~前菜有溫泉蛋等，刺身都有好多貝殼類~ 料理嘛，好難要求上菜次序~ 所以一黎就上左呢D熱食~ 鹽燒雞中翼，燒得幾香口，皮少干。但味道 OK 壽司每款細細舊。唔使太飽肚，幾好 壽司飯握得幾好，唔散唔實~ 味道亦唔會太酸。 係有舊白色既魚好多根，好難咬 (唔記得左係邊隻~XD) 燒菠蘿只係輕燒。初食有D酸。不過食完其他燒物後再食就感覺清新。 清酒煮蜆普通，酒味唔太香。不過難得蜆無沙~ 汁煮牛腩好似街邊牛雜味~ 煮得過爛~ 天婦羅粉唔太厚，亦唔會好油。入面既大蝦同南瓜都仲KEEP到有水份 翠玉瓜既汁太多~ 但瓜燒得幾好。熟得黎仲有水份。 黑松露帶子沙律，黑松露超多的，帶子亦有幾舊 係個汁太多，底有D過咸 再黎呢個和風珍珠浸白蜆，較清油煮蜆野味~ 但味道都有D濃~炸豆腐和紫心香芋丸都炸得好金黃，好靚。 冷麵係老同嫩食，2人份量，2個食哂~ @@ 溫泉蛋嘛，幾新鮮，不過我唔係好鐘意咁生既蛋，覺得有D腥~ 自家製日本大根漬物，即係蘿蔔干，又叫咸太公。幾醒胃，味道又唔會太激 好啱用黎清一清味蕾~讚~ 胡瓜麵鼓青瓜，個醬咸到不能~ 建議要整爛成醬再沾少少食，成粒食堅咸~ 八爪魚丸算彈牙，唔會淋PAT PAT 咁~ 小朋友好鐘意食~ 呢度既帆立貝(左上) 同帶子(右下) 烹調手法就好好，啱岩熟，連D邊都唔會韌 不過個汁睇圖都FEEL到好濃味，好咸~ 其實只要調味輕手D，味道係好的~ 好少係放題飲湯，不過呢度兩個湯都幾吸引 人蔘雞湯 <--個名吸引 蜆肉麵豉湯<--味道吸引烏冬都有水準呀，個湯底真係幾豬骨~ 拍得住唔少所謂既專門店~ 呢個螺肉，真係唔使講都知, 差差差，個PAT醬～見到都唔開胃～ ＞＜ 豆腐反而仲清清地，不過唔夠滑～ 食到咁上下又黎卷物～ 呢３個分別係芥末蜜糖三文魚卷 香芒黃金大蝦卷同海蟃芝士卷~ 好處係細細舊，可以淺嚐 而且飯卷得幾好，唔鬆散~ 反而味道就普普通通~雜菜嘛，水煮後再炒，太過淋了~ 阿囡要求再ENCOUR 燒物，其實係紫心香芋丸，芝士年糕同炸豆腐 真係外脆內軟架，口感同味道都幾好~ 最後的燒物~ 豬大腸，陣味勁到我都頂唔順，放棄了~XD 牙菜反而幾好味，鮮冬菇都好香，亦無燒得過乾~ 最驚喜係呢個香燒味林劍魚干 (右上)~ 好似平時食既魚干，味道超好，熱熱地又有少少脆 我最後ORDER 多4件，一個人KO了~ 用黎送酒或朋友傾計一路食真係一流~推介推介呀~呢度既熱食由開始第一轉到最後幾轉上碟都係熱既，值得讚下~ 後期2轉開始有漏單情況，不過都係2-3樣，可以接受~ 食物質素方面都不賴，而且創新，如果味道可以淡番少少就更好啦~ 後話： 話說想試多D野，同行老嫩又唔係好啱食。於是好多野我都係一舊舊咁叫~ 但佢都真係一隻碟裝一舊上黎~ 唔明點解唔GROUP 多幾舊上？有D浪費~XD 呢度個廁所超靚超干淨，係旺角食肆黎講有咁好既廁所設備，真係好難得~ 加分加分~ 呢度最近又一新搞作 "無限時放題"由5點半食到12點 都只係238!! 最岩約個D遲放工既朋友，可以一路食一路等啦~ 築地番本日式放題 旺角通菜街1A-J號威達商業大廈Deli 2 一樓B室 Facebook : https://www.facebook.com/jdfanben?fref=ts 如要聯絡本人，請電郵至： smonkichi@hotmail.com Pls follow me : Fanpge : www.facebook.com/smonkichi Instagram : https://instagram.com/smonkichi/ My Blog Link : The Ztyle Beauty Qooza She.com U Beauty Beautylife Blogspot BE WE SHARE
