每個人都會有唔開心或者諗埋一邊既時候 如果無人開解或者幫助，有時甚至會走上自殺之路 "生命熱線"成立於1995年，致力向有自殺傾向、感到絕望及有情緒困擾的人士提供益友及其他預防自殺服務，使他們情緒得以紓緩，從而積極面對人生。此外，我們希望提高公眾對自殺的認識，並尋求預防自殺的有效方法。 今年剛好是生命熱線成立20週年 為左向更多人推廣及宣傳，於是舉辦了 「生命熱線 愛.喜.行 慈善步行籌款 暨 園遊會」 希望更多有需要人士再展笑容 讓世界多一點微笑~ 好多謝Yes-Parents網站 的邀請，令我有機會參予呢個咁有意義既活動 當日大會安排左穿梭巴士係金鐘接送各位參加者到起步既地點 大潭童軍中心 ＿ 取過大會的通行證及T恤後, 我地進入營地，等待起步禮開始 今次既籌款活動多逹八百幾人參加 大會頒發幾個大獎多謝各位踴躍的參加者同團體 之後就由當日既嘉賓黎芷珊及小肥，以及生命熱線的各位代表一同剪綵， 象徵步行活動正式開始 一個個飛上天的七彩氣球象徵將"生命熱線"正面既信訊帶去不同的角落 靚得黎又有意義~ 我地換過大會既T恤都即刻跟大隊開始行啦~ 今次既步行路線主要圍繞大潭水塘 一起步就見到咁可愛既兔兔，當然要影番張大合照先啦~XD 見唔見到好可愛既青蛙貼紙，其實係大會提供既蚊貼黎架 好貼心呢~ >3< 雖然睇路線好似好長咁~ 但其實沿路都係以平路為主~ 而且風景仲好靚添~ 加上天公造美，有咁靚既日光~ 成個路程都行得好舒服呀~ 係最尾個段斜路有少少吃力 阿囡少運動，扮哂辛苦要人抱~XD 不過一去到平路又生猛哂啦~XD 成個路線總共有3個CHECK POINT, CHECK POINT 有工作人員幫我地貼貼紙 貼滿3個就有份小禮物架啦~XD 行左2個鐘度, 已經返到去起點大潭童軍中心 但中心已經變身成一個園遊會啦 會場上有不同既BAND SHOW, 跳舞表演，四周仲擺滿左唔同既檔位~ 食過大會提供既素食午餐盒，我地就開始遊園啦~ 阿囡第一時間去左 DIY 自製棉花糖~XD 除左棉花糖，仲有爆谷同茶果都好好食～ 只要捐２０蚊俾生命熱線就有得食架啦～ 有得食又有得玩仲可以做善事，在場人仕都好踴躍參加～ 除左小食，仲有素菜食品, 售賣各式禮物既攤位~ 同埋最受小朋友歡迎既遊戲攤位，所有收益都全數捐俾"生命熱線"做善事架~ 我同囡囡都玩得超開心, 又可以幫到人， 真係心境都開朗哂~XD 因為呢個步行都鼓勵大人小朋友一齊參加, 所以大會準備左親子遊戲俾大家玩~ 叫得親子遊戲，當然都唔會太難~ 就黎四歲既囡囡都應付自如~ 仲玩得好投入添~ 在場既義工都好 NICE 呀，好幫手又親切~ 仲好有耐性教導我地玩~ 每玩一個遊戲就會有一個印仔，集齊3個就有份小禮物架啦~ 阿囡拎住份禮物幾緊張，驚俾人搶走咁呀~XD 雖然一早七點起身，但阿囡玩左成日都無扭計 臨走時仲好興奮，佢話下次要再黎添呀~XD 好多謝 "生命熱線" 及 " Yes-Parents " 既邀請 我同囡囡都過左一個好開心既假日 可以親親大自然，又可以籌款幫人 最重要將光明正確既信息帶俾囡囡 生命多美好，世事無野解決唔到 只要肯踏出一步, 有好多人願意幫助你~ 如果大家對"生命熱線"呢個機構想認識多D, 可以瀏覽以下網站 http://www.sps.org.hk/ 如果大家想知多D親子資訊或活動，可瀏覽Yes-Partents 既網站/FACEBOOK www.yes-parents.com https://www.facebook.com/YesParents 如要聯絡本人，請電郵至：smonkichi@hotmail.com My Blog Link : The Ztyle Beauty Qooza She.com U Beauty Blogspot Beauty Exchange
