以前好鐘意返大陸腳底按摩 但因為人仔升值, 又要長途跋涉 加埋D車錢，已經唔係好抵啦~ 香港既腳底按摩呢？ 成日見到D紅紅綠綠的腳底按摩招牌，身為一個女仔，真係唔敢亂咁上去~ 不過如果你同我一樣都好呢樣既 等我介紹你一個舒適優美既按摩店~ 係SOGO 後行過少少既二樓鋪，最近開左一間新既頭肩頸及腳底按摩專門店~ 壹休館 Quarter Break Massage 其實只係企係樓下，都會見到佢一個大大既營光幕 門口仲有一張好大既易拉架，唔怕會走錯門口啦~ 呢間按摩店其實啱新開張一個月都無，入到去仲見到大展鴻圖既花牌架~HAHA 呢度有別於一般既按摩店，唔係紅紅綠綠，亦唔會黑黑沉沉 而係一室既潔白加少少翠綠，靛藍 感覺清新，寧逸 我地係黎RELAX架嘛，放鬆心情當然是最重要的第一步啦~ 只要行入呢間按摩店，心情都變得靚D 店入面最吸引我既係呢闕小小既滕門~ 可能自已本身對呢滕既製品情有獨鐘 加上呢度小小既門可以為顧客保持秘隱，真係又靚又實用呀~ 去按摩，當時係時靜靜地休息下， 呢間房只有四個位，一定唔會人雜聲嘈啦 佢仲有一D藍色既活動屏風，就算一個人黎都可以保持私隱 唔使"應酬" 隔離個個陌生人啦~ 如果有得三個朋友，仲可以黎呢間獨立房間 一邊睇住大電視，一邊傾計，一邊按摩 GATHERING, 唔一定下下要去食飯既~ 呢度每張椅都係KING SIZE, 望落去都已經覺得好舒服，好想即刻瞓落去~ 按摩前，梗係要換番一條寬鬆舒服既短褲啦~ 唔使整污糟自己條褲嘛~ 而且按起上黎都爽好多啦~ 換好既褲同手袋放係邊？ 就係放係呢D咁靚既滕箱度呀~ 今次，我會做30分鐘既肩頸同15分鐘既腳底按摩 按肩頸時，按摩師會為我開一桶水黎浸腳~ 呢桶水其實加左料架~所以見到係奶奶白白咁~ 按摩師傳係我浸腳時就開始幫我按啦~ 我個按摩師叫WINNIE, 手勢好到不得了~ 每按一下都中哂我D弱位~ 最重要係佢唔係用死力係咁禁，而係真係對準穴位用指力按壓~ 按到我又酸軟，又爽，真係正到不得了~ 佢按住我肩上面個唔知咩位，可以半邊身都麻痺左咁 但一放手，即刻覺得D血巴巴聲通哂，半邊身即係變到好蘇軟 呢下獨門絶技真係堅正呀 雖然按左30分鐘，但成個肩位同頸位已經鬆哂 個膞頭即刻輕左好多~ 如果大家平時用電腦用得多，真係要去試下 包保你按過番尋味 唔係講笑，真係會按到上癮~HAHA 按完肩頸就開始按腳啦~ 我就揀左按小腿 坐寫字樓，大家都以為好少用腳，應該唔會太攰啦 但亦因為成日坐，少郁動，腳既血液會運行阻滯 所以適當既按摩係可以幫助你行氣活血架~ 試過遇到D用死力既按摩師傳，係咁大力捽你條根 俾佢捽完後真係痛足三日~>< Winnie 就以佢好專業既手藝幫我推鬆小腿~ 唔會下下出哂力係咁捽你條根 按完後, 即刻覺得隻腳好似輕左好多咁! 按完後，WINNIE 仲會幫我抺番干淨隻腳，唔使怕油淋淋咁走~ 全程真係做足45分鐘，絕對唔會有坊間個D 呃鐘既無聊行為架~ 而且仲 唔會屈人俾TIPS 添~ (真係好憎強制性俾TIPS 呢個手法~><) 雖然只係短短既45分鐘，但我已經愛上左呢度~ 除左因為佢既店員熱情，按摩師專業外 最重要係呢度真係感覺好舒服~ 如果唔話你知，你又會點估到尼度係一間按摩店呢？ 依家新張期間仲有半價添~ 快D黎試一試呢個咁舒服既體驗~ 【壹休早霸王】- 時段為每日下午五時前 【壹休大霸王】- 時段為每日下午五時後 如果你係血拼完覺得攰攰地 如果你約左D遲到大王等極都未出門口 如果你要走兩場，中間D時間唔知去邊~ 呢個就係一個最好既歇腳點啦~ 【Quarter Break Massage 壹休館】 地址: 銅鑼灣駱克道510號1樓 (港鐵銅鑼灣站D4出口步行2分鐘) (SOGO祟光百貨後面) 預約電話： 2891 1080 電郵: quarterbreakmassage@gmail.com Facebook： https://www.facebook.com/QuarterBreak 營業時間：週一 ~ 週四：12:00 - 00:00 週五、六、假日：12:00 - 02:00 My Blog Link : The Ztyle Beauty Qooza She.com U Beauty Blogspot Beauty Exchange
