呢排用得好多韓牌,不用轉下產地,試下日本野 Haruhada堅果油保濕潔面膏 Argan Oil Cleansing Foam 寫明係日本製架, 無花無假~ 呢款洗面膏最大的賣點係蘊含堅果油成分,能為肌膚高效滋潤保濕 堅果油是採自堅果樹的果實壓榨而成,含有豐富的維生素A, F和 E, 以及不飽和脂肪酸 和 亞麻酸歐米茄3和6. 有助抗衰老及令皮膚保持年輕, 軟滑及增強彈性非常有功效.還具有抗氧化, 對抗自由基, 強健免疫系統, 以及有助抗衝不同肌膚問題如痤瘡, 濕疹, 牛皮癬, 燒傷等~ 當然, 我呢枝只係洗面既產品,又唔會預佢有齊以上既功效~ 包裝上寫左D日文,雖然唔係太識,都大約估到~ 濃厚既泡沫可以吸走黑頭,污垢 而且可以滲透角質層,有保濕既功能。仲可以令閉塞既污垢清洗干淨~ (日文人仕,如果我估得唔啱,請提點下,謝﹗) 總括,即係潔淨力好強既同時亦有保濕功效。 自從有小朋友以黎, 買野都好鐘意睇成份表,(雖然唔係全部睇得明~XD) 見到個成份表好多"酸" 感覺覺好似有D刺激性。 不過估唔到除堅果油,仲有馬油~ (馬油, 好野黎架~) 我估滋潤度都唔會太差啦~ 產品係白色既洗面膏狀, 帶有少少珍珠色澤~ 慢慢加水搓開後, 就變成好豐厚既泡沫~ 頭先既份量,已經夠洗一塊面有多架啦~ 可以濕面後將泡泡搽上面後按摩~ (千萬唔好就咁將D膏係塊面度搓到起泡,塊面唔係用黎咁用架~@@) 又或者搽上面後再配合洗面機一齊用都可以~ 但因為佢既潔淨力都幾強, 所以如果用洗面機, 我會提議只係洗T字位~ 因為用呢款洗面膏再加上洗面機, 面皮薄同敏感既地方真係無必頂得住~ 因為我試過用機洗面後, 2邊面會發紅的~(影相出黎D色淡左~@@) 所以強烈建議敏感肌同乾肌人仕慎用呀~ 不過, 所有事都有正同反2方面~ 識得用, 其實都可以好好用~ 因為洗完面後既皮膚真係感覺超爽的~! 同埋沖水時真係會覺得D泡有吸吮感, 好似想扯左D污垢野出黎咁~ 可以見到連D毛孔都干淨哂架~ 因為加入左堅果油, 洗完油後又真係無緊繃的感覺。 但始終是洗面膏關係, 洗完後最好馬上搽番護膚品。 因為潔力太強,洗去了皮膚表皮既保護層。好快會變干~所以要快手搽番護膚品呀~ 呢款洗面膏價錢便宜,特價左都係68蚊。同超市既開架潔面產品相若~ 不過話哂係日本貨,都抵用的~ 但如果係成熟肌/敏感肌/乾肌既人仕就並唔太適合啦~ 我會建議呢款洗面膏局部性用係T字位就PERFECT 啦~ 全線莎莎化粧品有限公司有售 http://www.sasa.com/ 以上活動及產品由莎莎化粧品有限公司提供 如要聯絡本人,請電郵至: smonkichi@hotmail.com Blog Link :The Ztyle Beauty Qooza She.com U Beauty Beautylife Blogspot BE