早前到IFC 的Greyhound 初食, 感覺良好~ 今次是第二次到呢度~ 先不論食物, 在IFC 進餐的感覺就是好~ 起碼沒有討厭的大吵大鬧~ 餐廳還是一貫的黑色型格裝修 門口還是一貫的排滿人~ 未點餐，囡囡已被櫃內的甜品吸引過去了~HAHA ~ 今次有5個女生, 加埋我個囡有六個人, 五大一細, 最初可能BOOK枱時有誤會, 被編排了一張四人枱，實在有夠迫的 後來在要求下終於被安排了一張梳化大枱，舒服多了~ 先點飲品~ 四個女人都不約而同地點了上次的butterfly pea tea蠂豆花茶, 上次已介紹過了~ 回顧按我 我是一個貪新鮮的人，當然要挑新的~ 這款由橙, 菠蘿及蘋果MIX 出黎的FRUITY SHAKY YOGURT 估唔到會變左藍白色, 好驚喜呀~ 味道嘛, 好有鮮果味的YOGURT, 但唔同你講,你係飲唔出有以上的鮮果, 好特別的飲品~ 而且, YOGURT 是解辣的好幫手，阿囡食左D辣野,都係靠佢架咋~HAHA～ 前菜方面就揀左呢個軟殼蟹沙律 阿囡係超愛食的，我就略嫌唔夠脆，沙律菜仲啱我口味～ 招牌脆炸單骨雞翼 皮就炸得好香脆，肉仲KEEP到唔會干爭爭~味道亦算濃~ 單骨食起上黎都方便~小朋友既至愛~HAHA 炸薯皮是我既至愛 呢個煙肉薯皮唔錯, 表面炸得香脆，薯仔肉好淋, 配類似沙律醬既醬汁~ 不過因為表面加左好多調味料, 唔使沾醬都好夠味~ 我鐘意食薯皮沾 CREAM CHEESE 多D~ 呢個泰式炸魷魚圈就比較失望~ 整體好淋同D炸漿就好淋PAT PAT, 完全無嚼口~ 脆炸粟米蟹肉餅配甜酸醬 蟹肉混合粟米,既炸餅，亦是再次點既菜, 不過佢既甜酸醬原來係辣架，辣到阿囡死死下~HAH 主菜方面有係再次點既菜為主~ 香草辣椒炒雞肉碎配白飯 阿囡KO 了成隻蛋，但因為肉有少辣，佢就無得食 肉碎加入香葉，很香，唔使再加醬油都已好夠味~ 呢個亦是重食既鹹魚乾辣椒意大利麵~ 不過上次食既明明係濕炒，今次變左干炒~ 比起上次, 我更愛今次既干炒, 爽身 味道咸香, 辣味偏重, 係意大利麵有D硬~ 鮮蝦炒金邊粉, 又係ENCOUR既菜 今次因為叫少左野食, 今次全部食哂啦~ 呢個保持一貫既水準，配料多，粉亦很入味 辣椒粉分開放，很細心~ 今次叫既甜品亦不俗 本身不愛食BROWNIE, 但這個似特濃朱古力蛋糕多D 沒有BROWNIE 的甜膩感~ 如果以一個朱古力蛋糕甜點看待，是好味的~ 芒果芭菲 上面的椰子雪芭夠清新 配合下面的芒果糯米飯，是一個中泰的CROSSOVER 必點呀~ 這個雪糕PANCAKE, 亦超讚的 PANCAKE配上焦糖後超滑的 不過焦糖就是甜的, 不愛甜或要少甜的女生就不要試了~ 不然又要說太過甜了~ 這個是上次試過的新鮮椰子千層蛋糕 不過今次來唔到一條條的椰子，變成一塊塊的~ 可能是因為第2次食了, 沒有了第一次既驚喜。 所有的甜品其實加20蚊就可以配一個雪糕，不過因為今次太多甜點了，所以沒有再加了~ 今次上菜的速度超快的，放得一枱都是，驚得我們馬上叫停。 不過以每人 250 蚊的價錢，可以在IFC 食到這個質素的食物，都算值了~ 是次試食活動由品牌提供 如要聯絡本人，請電郵至： smonkichi@hotmail.com Blog Link :The Ztyle Beauty Qooza She.com U Beauty Beautylife Blogspot BE
