幾年前去韓國, 第一次見到蝸牛既護膚產品 個一刻，個心好唔舒服~XD 近呢2年, 蝸牛產品已經打入左香港既市場大賣~ 不過~, 我都要D時間接受~ 終於，我開始左我既蝸牛護膚了~~ Lioele 戀妝 【蝸牛逆時空抗皺面膜】 Lioele Intensive Time Reversing Snail Mask Lioele (戀妝) 呢個牌子其實係我第一次聽~ 原來佢係2003年已經成立, 係2007年攞到ISO 90001 之後就正式命名為 Lioele ~ 佢既BB CREAM 是品牌既皇牌, 在韓國大賣架~ 呢個咁靚既標誌其實是南瓜車黎~ 見到呢個咁少女既標誌, 應該估到佢既產品都以少女, 可愛風為主~ (佢D妝物真係好靚架~) 不過, 我今日就試佢既護膚產品~ 蝸牛逆時空抗皺面膜 正宗韓國製造~ 仲有呢個明明確確的使用日期，唔使下下靠估，仲無得俾人改添~ ^^ 雖然好多韓文，不過睇圖都應該知點用~ 敷上面等15 - 20分鐘~之後拍至完全吸收為止~ 不過, 其實佢都有英文既, 日文都有添呀~ 附上成份表作參考~ 功效：其蝸牛萃取精華成分能提昇肌膚再生能力，修復並柔滑肌膚，為肌膚提供營養，增加彈性, 可快速將高度濃縮的精華注入皮膚，有效改善乾燥及缺乏彈性的皮膚。 天然草藥提高水份和彈性，而金縷梅萃取物可以平衡水分。 此外，熊果素及腺苷等仲可以幫助撫平皺紋，抑制黑色素，亮白色斑等問題~ 簡單D講, 一塊面膜有齊抗皺/美白/保濕/滋潤既功效~ 打開個袋，可以倒好多精華出黎喎~ 通常, 每次敷MASK 我都會先將所有精華倒哂出黎搽係塊面度先~ 精華水份好高, 搽係塊面好快就吸收左一半~ 之後, 先至敷上MASK, 咁就可以完全吸哂D精華啦~ 終於到真身啦~ 蝸牛逆時空抗皺面膜 係一塊棉質既面膜，沒有多餘既包裝, 簡單一塊就搞掂~ (其實我到依家都唔知點解要用咁多塊紙黎夾住塊面膜~ 通常我都係掉哂D紙先放塊MASK 上面的~ MASK屬於常用的棉質 ，厚薄中等 敷上面後, 可能我塊面唔算大, 所以有好多鬆位~ 尤其鼻位兩旁, 完全貼唔到~好多空位~拉埋D 其他地方又唔啱位~ 呢個時候，就要摺紙達人上身啦~ 左摺摺，右摺摺 係下巴, 人中同太陽穴呢D位摺一摺~ 終於摺到塊完全貼面既面膜啦~ 唔想摺，可以用少少暴力，扯開眼角既連接位~ (O個個位其實特別幼, 我估可能佢真係諗住咁樣FUCNITON架～ＨＡＨＡ 之後再將佢拉埋黎，就可以做番個好貼面既MASK 架啦~ 左前右後~ 干燥既毛孔漲番哂啦~ 以前成日以為蝸牛的產品一定好滋潤, 好笠 但呢隻蝸牛面膜好清爽，同我既預期好唔同~ 補濕方面呢塊面膜及格，精華超水潤的, 亦很易被皮膚吸收~ 但滋潤度則有所保留, 可能同佢既水狀質精華有關~ 建議敷面膜後可以搽番D滋潤既面霜~ (每次敷完MASK, 我都會洗去多餘既精華, 再搽面霜鎖水鎖精華架 ) 至於美白及抗皺呢D長時間既鬥爭, 當然亦無可能咁快見到效果啦~ 總括而言, 簡單作為一個補濕既面膜, 呢個係一個好好既產品 至於其他功效, 就要長時間使用過先知啦~ 想睇多D Lioele 戀妝既資料同產品, 可以瀏覽Colourmix卡萊美 的網站 http://www.colourmix-cosmetics.com 全線Colourmix卡萊美有售 產品查詢熱線：2201 8668 產品及資料由 及客戶提供~ 如要聯絡本人，請電郵至： smonkichi@hotmail.com Blog Link :The Ztyle Beauty Qooza She.com U Beauty Beautylife Blogspot BE
